Husiyçilarning Saudiyaga hujumlari va Ukrainaga bosim ötkazayotgan Tramp – kun dayjesti

Keyinroq aeroport kuzatuv kameralarida olingan videolar tarqaldi. Unda navbatda turgan – ehrom kiygan ziyoratçilar ham portlaşlardan zararlangani aks etgan. Özbekiston TIV 10-oktabr kungi hujumlarda 2 nafar özbekistonlik ham jarohatlanganini maʼlum qildi.

Saudiyaga hujumlar zanjiri 6-oktabrda boşlangan. Öşa kuni Abha aeroportiga berilgan zarbada ikki kişi öldirilgan, 28 kişi yaralangan. 7-oktabrda Ar-Riyod aeroportida bir kişi halok böldi. 8-oktabrda esa aeroport va Saudiya samolyotiga berilgan ikki zarbada uç kişi öldirilgan. Şu tariqa bir hafta içida Saudiya böylab qurbonlar soni kamida 20 kişiga yetdi.

Husiyçilarning harbiy vakili Yahyo Sari 10-oktabrdagi hujumni öz zimmasiga oldi. Guruh rasmiylariga köra, Saudiya ham Yamanni bombalaşda davom etmoqda: sönggi bir kunda Yamanga 124 ta havo zarbasi berilgan.

AQŞ ham mojaroga qöşilişi mumkin: prezident Tramp Saudiyaning husiyçilarga qarşi zarbalariga qöşilişni körib çiqayotganini aytdi.

Pokiston ham jarayonga jalb qilinişi mumkin. Pokiston, Saudiya va Turkiya avgustda imzolagan mudofaa kelişuviga köra, aʼzolardan biriga hujum barçasiga hujum hisoblanadi. Pokiston mudofaa vaziri ikki davlatning kuçlari hududda borligini, ammo jangovar amaliyotlarda faqat Saudiya qöşinlari qatnaşayotganini aytgan. Eron taşqi işlar vaziri Abbos Araqçi esa Saudiya bilan Yaman örtasidagi muloqotga kömaklaşişga tayyorligini bildirdi.

Hindistonda namoyişlar

Dehlida Hindiston boş saylov komissari Gyaneş Kumar isteʼfosini talab qilgan yoşlar namoyişlari ikkinçi kun ham davom etdi. 11-oktabr kuni politsiya yuzlab namoyişçini uşladi. Sud esa "Suvaraklar xalq partiyasi" harakati asosçisi Abhijit Dipke va yana ikki yetakçini ozod qiliş töğrisida qaror çiqardi.

Rasmiylar namoyişning oldini oliş uçun şaharni amalda yopib qöydi. Metro bekatlari va mobil internet vaqtinça öçirildi. Politsiya maʼlumotiga köra, 10-oktabr kuni 2400 kişi uşlangan, ularning aksariyati öşa keça qöyib yuborilgan.

Talabalar uyuşmasi uşlanganlar politsiya tomonidan kaltaklanganini daʼvo qildi. Namoyişlarni yoritayotgan bir qança jurnalist ham uşlangan.

Noroziliklar saylovçilar röyxatini qayta körib çiqiş jarayoni bilan boğliq. Saylov komissiyasi maʼlumotiga köra, röyxatlardan 130 milliondan ortiq ism öçirilgan. Ulardan 28 millioni vafot etganlar, 63 millioni boşqa joyga köçganlar, 30 millioni esa topilmaganlar. Muxolifat daʼvosiga köra, öçirişlar asosan musulmonlar va boşqa ozçiliklarga taʼsir qilgan, bu esa Modining hukmron partiyasiga foyda keltiradi. Komissiya va partiya manipulyatsiya ayblovlarini rad etmoqda.

Harakat – mamlakat Oliy sudi raisi işsiz yoşlarni suvaraklarga qiyoslaganidan keyin satirik norozilik sifatida paydo bölgan. Qisqa vaqtda u işsizlikka qarşi umummilliy harakatga aylandi.

Namoyişlar boş vazir Narendra Modining 12 yillik hukmronligi davridagi eng jiddiy siyosiy sinov bölmoqda.

Jibutidagi fojia

Jibuti qirğoqlari yaqinida qayiqning çökib ketişi oqibatida kamida 139 nafar muhojir, jumladan, 15 nafar bola halok böldi. Yana önlab odamlar hamon bedarak yöqolgan deb hisoblanmoqda, 80 dan ortiq yölovçi qutqarib qolingan.

BMTning Xalqaro Migratsiya Taşkiloti xabariga köra, bortida 305 kişi bölgan qayiq Jibutidan Yamanga qarab ketayotgan bölgan. U payşanba kuni tunda Obok port şahri yaqinida ağdarilib ketgan.

Mahalliy hokimiyat halok bölganlarni dafn etiş işlarini taşkillaştirmoqda, omon qolganlarning barçasi Efiopiya fuqarolari.

Yaman ön yildan ortiq davom etayotgan vayronkor fuqarolar uruşi iskanjasida qolmoqda. Uşbu beqarorlik amaldagi harbiy harakatlarga qaramay, afrikalik muhojirlar qaşşoqlik, xavfsizlikning yöqligi tufayli haligaça Bob al-Mandab böğozi orqali Yamanga ötişda davom etmoqda.

XMTning bildirişiça, 10-sentabrdan beri Efiopiyadan Jibutiga 20 mingdan ortiq "köçib ötiş" holatlari qayd etilgan. Jibutidan esa Yamanga qayiqlar orqali ötişadi. 2025-yilda xuddi şu yönaliş böylab migratsiya jarayonida 900 dan ortiq muhojir halok bölgan yoki bedarak yöqolgandi.

Jibuti – sobiq Fransuz mustamlakasi bölgan mitti mamlakat bölib, u Yaman qarşisida joylaşgan.

Polşa boş vaziriga suiqasd ehtimoli

Polşa politsiyasi boş vazir Donald Tusk va mudofaa vaziri Vladislav Kamişga hujum uyuştirişni rejalaştirişda gumon qilingan erkakni qölga oldi.

Içki işlar vazirligining maʼlum qilişiça, Polşa janubidagi Quyi Sileziya mintaqasida oltmiş yoşlardagi erkak hibsga olingan.

"Xavfsizlik xizmatlari internetga joylaştirilgan materiallarni batafsil tahlil qiliş orqali uning iziga tuşdi", dedi vazir.

Polşada zöravonlik bilan boğliq jinoyatlar odatda kamdan kam uçraydi. Ammo mamlakat siyosiy jihatdan çuqur qutblaşgan hamda Ukrainadagi uruşga yaqinligi sababli xavfsizlik borasidagi tahdidlarga duç kelmoqda.

Avgust oyida politsiya Polşaning yuqori lavozimli siyosatçilariga suiqasd qilişga çaqirgan 23 yoşli yigitni qölga olgandi.

2024-yilda Tusk Slovakiya boş vaziri Robert Fitsoga qilingan suiqasddan söng öziga nisbatan tahdidlar bölganini aytgan.

Ötgan haftada maktab xodimining ölimiga olib kelgan zöravonliklar tölqinidan söng ayni vaqtda Polşa rasmiylari yuqori şay holatga keltirilgan.