Osiyo öyinlari kundaligi. Özbekiston bitta oltin bilan kifoyalandi va Hindistonni oldinga ötkazib yubordi

Parijdagi olimpiada sovrindorlaridan yana biri, -57 kg vazn toifasidagi Ğulomjon Abdullayev ham işonçni oqlamadi. U ilk bosqiçdayoq yaponiyalik Yamato Ogavaga mağlub böldi (2:4), raqib finalga çiqmagani tufayli unda medal uçun ikkinçi imkoniyat ham bölmadi.

Ayollar kuraşida -53 kg vazn toifasida qatnaşgan Sohibjamol Esbosinova ham birinçi bosqiçdayoq hindistonlik Antimga yutqazdi (0:8). Raqib finalga yetib borgaç, unda bronza uçun kuraşiş imkoniyati tuğildi, ammo u ötiş bahsida qozoğistonlik Şugila Umirbekdan mağlub böldi (2:2, raqib oxirgi ballni qölga kiritgani uçun ğalabani qölga kiritdi).

-57 kg vazn toifasida qatnaşgan Layloxon Sobirova birinçi bosqiçda indoneziyalik Mutoharohdan ustun kelgandi (10:0), ammo keyingi bosqiçda qozoğistonlik Nilufar Rayimovaga imkoniyatni boy berdi (5:18). Unda medal uçun ikkinçi imkon ham bölmadi.

Taekvondo

Özbekiston taekvondo jamoasi bugungi dasturda 4 nafar sportçi bilan qatnaşdi va şundan ikki kişi medal qölga kiritdi.

Ayollar örtasida -57 kg vazn toifasida iştirok etgan Madina Mirabzalova ilk bosqiçdayoq tailandlik Natkamon Vassanaga yutqazdi (1:2).

Erkaklar örtasida -68 kg vazn toifasida Najmiddin Qosimhojiyev ilk raqibi, indoneziyalik Jafif Putravitamani mağlub etgandi (2:0), ammo keyingi bosqiçda tailandlik Banlung Tubtimdangga yutqazdi (1:2).

Ayollar örtasida +67 kg vazn toifasida qatnaşgan Svetlana Saidova (Osipova, turmuşga çiqqanidan keyin familiyasini özgartirgan) dastlabki bosqiçda hongkonglik Ho Yan Çeungni mağlub etdi (2:0), çorakfinalda vetnamlik Ti Hiyem Bak tösiğidan ham ötdi (2:0), ammo yarimfinalda xitoylik Mu Vengjega yutqazib qöydi (0:2) va bronza medal bilan kifoyalandi.

Uşbu sportçi Parij olimpiadasida finalgaça borgan, jahon çempioni bölgan, ammo Osiyoni zabt eta olmayapti – bundan oldin Jakarta va Hangçjoudagi turnirlarda ham u yarimfinaldan öta olmagandi.

Erkaklar örtasida +80 kg vazn toifasi vakili Marat Mavlonov nisbatan yaxşiroq turnir ötkazdi. U çorakfinalda tayvanlik Yu-jin Huang (2:1), yarimfinalda janubiy koreyalik Kang Sanghyunni (2:0) mağlub etgandi, ammo finalda eronlik Ariyan Salimiga yutqazib qöydi (0:2), bahs davomida özbekistonlik sportçi qölidan jarohat ham oldi.

Dzyudo

Özbekistonlik dzyudoçilar bugun aralaş jamoaviy dasturda iştirok etişdi va bronza medalga ega çiqişdi. Jamoa ilk bosqiçdayoq turnir favoriti Yaponiyaga duç keldi va 1:4 hisobida yutqazdi. Şundan keyin bronza uçun bahslar boşlandi. Bu yölda avvaliga Tayvan 4:0 hisobida, keyin esa Janubiy Koreya 4:2 hisobida mağlub etildi va bronza medal qölga kiritildi.

Futbol

Özbekiston U-23 jamoasi 3-oktabr kuni Osiyo öyinlarining bronza medali uçun Xitoyga qarşi öyin ötkazdi. Nagoyadagi Toyota stadionida ötgan uçraşuvning asosiy vaqtida durang (2:2) qayd etildi.

Qöşimça bölimlar ötkazilmasdan darhol penaltilar seriyasi boşlandi. Yarimfinalda Yaponiyaga qarşi öyinda bölgani kabi, bu safar ham Ravşan Haydarov şogirdlarining omad lotereyasida omadi kelmadi (3:4).

Turnir jadvalidagi holat

Ertaga, 4-oktabr kuni turnirning yopiliş marosimi bölib ötadi va özbekistonlik sportçilar boşqa medal qölga kiritişi kutilmayapti.

Asosiy bahslar yakunlanganidan keyin Özbekiston hisobida 21 ta oltin, 25 ta kumuş va 24 ta bronza medal bor. Delegatsiya sönggi bir hafta davomida umumiy reytingda törtinçi örinda turgandi, ammo bugungi natijalardan keyin Hindiston medallar soni böyiça Özbekistonga tenglaşdi, kumuş medallar soni köproqligi evaziga törtinçi örinni tortib oldi.

Özbekistonning Osiyo öyinlaridagi eng yaxşi natijasi bungaça 2023-yilgi Hangçjou öyinlarida qayd etilgandi. Delegatsiya öşanda 22 ta oltin, 18 ta kumuş va 31 ta bronza bilan Hindistondan keyingi beşinçi örinni egallagandi. Bu safar hindistonlik sportçilarning natijasi pasaygandi (oldingi 28 ta oltinga qarşi 21), ammo şu ham Özbekistondan oldinda joylaşiş uçun yetarli böldi.