«Hadis va Hayot» kitoblarining to‘liq to‘plami sotuvga chiqarildi

Shayx Muhammad Sodiq Muhammad Yusuf muallifligi ostida yozilgan «Hadis va Hayot» silsilasi mashhur alloma, Qohiradagi «al-Azhar» dorilfununi mudarrislaridan biri shayx Mansura Ali Nosif hazratlarining «At-toj al-jome' lil-usul fii ahadiysur Rasul» («Rasul sollallohu alayhi vasallamning hadislaridan asllarni jam qiluvchi toj») deb nomlangan ulkan asarlariga yozilgan komil va shomil sharhlardan iborat to‘plamdir. Mazkur to‘plamning to‘liq hajmi qayta nashr qilinib, sotuvga chiqarildi.

Aytish mumkinki, «Hadis va Hayot» silsilasining dastlabki juzlari chop etilishi bilan kitobsevarlarning sevimli asariga aylanib, ko‘plab muxlislarning javonlaridan, mo‘min-musulmonlarning qalbidan chuqur va munosib o‘rin oldi.

Ma'lumot o‘rnida: Ushbu to‘plamni «Hilol» nashriyot-matbaasining do‘konlaridan xarid qilishingiz mumkin.