«Real» Rimdagi öyinda 7 daqiqada uç gol urib, ğalabani ilib ketdi; ingliz jamoalari öyinlarida hokkeyça (yoki tennisça) hisoblar, Abduqodir Husanov boşlanğiç tarkibga qaytgan öyinda «Siti» «PSJ»ga öz uyida mağlub böldi. Çorşanba oqşomida YEÇL guruh bosqiçida bölib ötgan öyinlar va turnir jadvalidagi vaziyat.
Foto: Paolo Bruno/Getty ImagesFoto: Paolo Bruno/Getty Images
15-oktabrga ötar keçasi – Çempionlar ligasi tarixidagi eng sermahsul oqşom böldi. 9 öyinda jamoalar jami 46 gol urişdi: bir öyinga örtaça 5 ta gol.
Joze Mourinio tom maʼnoda nostalgiya turnesini ötkazmoqda. U birinçi turda sobiq jamoasi «Inter»ga qarşi öynagandi. Endi esa yana bir qadrdon jamoasi «Roma» maydonida mehmon böldi. Mezbon jamoa muxlislari esa uni bannerlar bilan qarşi olişdi.
Bu Mbappe uçun ham öziga xos öyin edi, u şu kuni Messining rekordini yangilab, asosiy yevrokubokda 100 ta öyin ötkazgan eng yoş futbolçiga (27 yoşu 298 kunlik) aylandi. Şuningdek, Vinisius ham diqqat markazida edi. Şu kuni la liga rahbariyati braziliyalik futbolçini «Vilyarreal»ga qarşi öyindagi harakati uçun tört öyinga diskvalifikatsiya qilgani eʼlon qilindi va u endi maʼlum vaqt faqat yevrokubok öyinlarida maydonga tuşişi mumkin edi.
Yetti yillik tanaffusdan keyin YeÇLga qaytgan rimliklar esa öyinni kötarinki ruhda boşlaşdi va Kurtuga ketma-ket iş topib bera boşlaşdi. Belgiyalik posbon avvaliga Ermosoning burçakka yönaltirgan zarbasini qaytardi, ammo mezbonlarning navbatdagi hujumida De Ronning zarbasidan keyin yuzaga kelgan rikoşet darvozabonni ilojsiz ahvolda qoldirdi. Beş daqiqa ötib esa mezbonlar darvozaboni ham şunday holatga tuşdi va Mbappe hisobni tenglaştirdi.
Ikkinçi bölimda esa Vinisius antiqahramonga aylandi. U maydon markazida tovoni bilan pas berişga urinib, töpni oldirdi, tezkor boşlangan qarşi hujum esa Malen darvozani işğol etişi bilan yakunlandi. Biroz ötib niderlandiyalik hujumçi yana bir qarşi hujumda dublni rasmiylaştirdi.
Mavzuga oid
Şundan keyin Mourinioning sabri tugadi va Vinisiusni 59-daqiqadayoq öyindan olib taşladi. Maydonni tark etayotganida esa braziliyalik vinger murabbiylar ştabiga oçiq norozilik namoyiş etdi. Ammo aynan uning örniga tuşgan Endrik öyinni özgartirib yubordi. Madridliklar safidagi eng past böyli futbolçilardan biri sanalgan hujumçi ikki bor burçak jarimasi vaqtida boş bilan zarba yölladi, birinçisida darvozabon qaytargan töpni Espi baribir darvoza töriga kiritdi, ikkinçisida gol Endrikning öz nomiga yozildi.
Öyinga qöşib berilgan daqiqalarda esa navbatdagi burçak töpidan keyin Ryudiger sobiq jamoasi darvozasiga ğalaba golini urdi. Şu tariqa, madridliklar 7 daqiqayu 43 soniya içida 1:3 hisobini ğalabaga aylantirişdi. YEÇL tarixida bunday qisqa vaqt içida ikki töp farqini yöqotib, ğalabaga erişiş hali heç bir jamoaga nasib etmagandi.
Gvardiola «Etihad»ga (tomoşabin sifatida), Abduqodir Husanov esa boşlanğiç tarkibga qaytgan öyinda «Mançester Siti» birinçi bölimdayoq uçta gol ötkazib yubordi. Avvaliga Due fantastik zarbasi bilan hisobni oçdi, keyin esa Usmon Dembelega golli pas yetkazib berdi. 32-daqiqada Vitinya jarima maydoni içida heç qanday qarşilikka uçramasdan, hisobni yiriklaştirdi.
Tanaffusda Mareska uçtalik almaştirişni amalga oşirdi: birinçi bölimda öyini çiqmagan Doku, Şerki va Ruben Diaş zaxiraga olindi, ularning örniga Ndiay, Buaddi va Nuneş tuşirildi, Nuneş öng qanotda Husanov örnini egalladi, özbekistonlik himoyaçi Diaş örniga markazga ötdi.
Bu özgarişlar mezbonlarga ijobiy taʼsir qildi va jamoa öyinni öz qöliga ola boşladi. Avvaliga Holand hisobni qisqartirgandi, ammo köp ötmay Donnarumma törtinçi golni ham ötkazib yubordi: u Akliuşning xavfli zarbasiga yaxşi reaksiya körsatgandi, ammo töp osmonga kötarilib, baribir darvoza töriga kirib ketdi. Qolgan vaqt davomida mezbonlar töliq hujumda öynaşdi, Holand ikkinçi golini ham urdi, ammo bundan ortiğiga kuç va vaqt yetmadi. Öyinga qöşib berilgan daqiqalarda Donnarumma Ferranning penaltidan yöllagan zarbasini qaytarib, jamoasini yanada yirik hisobda mağlub bölişdan saqlab qoldi.
LASK bilan öyinda mersisaydliklarning yozgi xaridlaridan biri bölgan Barkolya superyulduzlardek öyin körsatdi. Fransuz vingeri het-trik qayd etib, «PSJ»dan 125 mln yevro va qöşimça bonuslar evaziga xarid qilinişi bejiz bölmaganini isbotladi. Öyinda boşqa qahramonlar ham bor edi: 21 yoşli hujumçi Lyuis Kumas 1+1 qayd etdi, Frimpongda – 1+2.
LASK ham öyinning tomoşabop bölişini taʼminladi: mezbonlar taslim böliş haqida öylaşmadi va 5 ta töp farqi bilan ortda borayotganiga qaramay, kambek qilişga urinişdi Florian Flekker dubl rasmiylaştirdi. Ivan Dibango esa assistlar böyiça het-trikka erişdi.
Unai Emeri jamoasi APLdagi yomon startdan keyin hali vaziyatni yaxşilay olgani yöq, ammo jamoa xalqaro maydonda ajoyib öyin körsatmoqda. Birinçi turda «Bryugge» maydonidan ğalaba bilan qaytgan (3:2) birminghemliklar öz maydonida «Fenerbahçe» darvozasiga javobsiz 6 ta gol urdi. Öyin taqdiri birinçi bölimda Manzambining tezkor goli va Nikolas Jeksonning dublidan keyinoq hal böldi. Ikkinçi bölimda esa Barkli ham dublga erişdi, zaxiradan tuşgan Abraham hisobni yanada yirik körinişga keltirdi. «Aston Villa» 100 foizlik natija bilan peşqadamlar safida.
«Portu» birinçi bölimda atigi bitta golli vaziyat yaratdi va darvozani işğol qildi ham, ammo gol Borha Sayns hujum vaqtida qöl bilan öynagani uçun bekor qilindi. Mezbonlar esa ikkinçi bölim boşida haqli ravişda hisobni oçişdi: Abde jarima maydoni taşqarisidan töpni bir teginişda olis töqqizlikka aniq joylaştirdi. Bir neça daqiqa ötib Antoni «Portu» himoyasidagi qöpol xatodan foydalanib, ikkinçi golni urişi ham mumkin edi, ammo uning zarbasidan keyin töp ustunga bordi. Şundan keyin kutilmaganda «Portu» uyğondi: avvaliga Veyga jarima zarbasidan hisobni tenglaştirdi, köp ötmay Agehovaning zarbasidan keyin töp tösin ostidan Vales qöriqlayotgan darvoza töriga borib tuşdi. Ammo şu kuni kuçliroq bölgan mezbonlar uçun adolat qaror topdi: avvaliga Antonining uzatmasidan keyin Kuço hisobni tenglaştirdi. Keyin esa Isko penaltidan ğalaba golini urdi – 3:2. «Betis» ikki öyinda 6 oçko töplagan holda yöqotişsiz davom etmoqda.
Ötgan turda darvozabon Nikita Xaykin jarohat olib, maydonni tark etgaç, «Budyo-Glimt» «Bavariya»dan beşta gol ötkazib yuborgandi. Darvozabon Germaniyaning boşqa bir klubiga qarşi öyingaça safga qaytdi va öyin qahramoniga aylandi: tört seyv ijro etib, WhoScored versiyasi böyiça eng yuqori ballni oldi (7,7).
«Borussiya» ustozi Niko Kovaç esa asosiy hujumçisi Serji Girassini zaxirada qoldirgani uçun jazolandi. Ikkinçi bölimda uni maydonga tuşirganida esa keç bölgandi: ikkinçi bölim boşida Syovold qanotdan oşirilgan uzatmadan foydalanib, yaqin burçakni aniq nişonga oldi.
Yozgi transferlar oynasi oxirida «Çelsi»dan olib kelingan darvozabon Italiya jamoasida ham qovun tuşirişda davom etmoqda. Robert Sançes WhoScored versiyasi böyiça öyinning eng yomon futbolçisi böldi (5,4 ball). Ispaniyalik posbon avvaliga yaqin burçagidan ikki bor gol ötkazib yubordi, öyin oxirlarida esa avtogol muallifiga aylandi – ustundan qaytgan töp uning yelkasiga tekkan holda darvoza töriga borib tuşdi. Qöşimça daqiqalarda Duvikas hisobdagi farqni qisqartirdi, ammo «Komo»da kambek uçun vaqt qolmagandi.
«Ştutgart» saviyadagi farqni maydonda namoyiş etdi va birinçi bölim örtalaridan ötganda Ştiller Undavni qulay vaziyatga çiqarib yubordi, hujumçi himoyaçining ortidan olis burçakka zarba berib, darvozabonni doğda qoldirdi. Mezbonlar ğalabani öz tomoniga oğdirişi mumkin edi: avvaliga ofsayd, keyin esa qöl bilan öynalgani tufayli gollar bekor qilindi, yana bir zarba esa darvoza tösiniga bordi. Ikkinçi bölimda «Slovan» himoyaçi öz jamoasi darvozasini işğol etib qöygaç, öyinda intriga tugadi. Sönggi daqiqada esa Demiroviç hisobni yiriklaştirdi.
«Çelsi» bu mavsumda YeÇLda iştirok etmayotgan bölsa-da, klub fanatlari Çempionlar ligasiz qolmayapti: Ukrainaning «Şaxtyor» jamoasi yevromavsumni «Stemford Brij»da ötkazmoqda. Nominal mezbonlar şu kuni stadionga yiğilgan muxlislarni kambek bilan xursand qildi. 28-daqiqada Mayer Piliosning yordami bilan hisobni oçgandi, ammo bir neça daqiqa ötib AEK penaltidan gol ötkazib yubordi. Öyin durangga qarab ketayotgandi, ammo «Şaxtyor» öyin oxirida qöşdi: 80- va 86-daqiqalarda ukrainlar jamoasi ğalabani ilib ketdi.
