Şavkat Mirziyoyev: Islom Karimov tomonidan işlab çiqilgan mustaqil taraqqiyot yölini davom ettirişni öz vazifam deb bilaman
|13:30 / 09.09.201678 49025 min
Özbekiston Respublikasi Boş vaziri Şavkat Miromonoviç Mirziyoyevning Oliy Majlis Qonunçilik palatasi va Senatining qöşma majlisidagi nutqi.
Hurmatli Spiker!
Hurmatli Senat raisi!
Muhtaram deputatlar va senatorlar!
Qadrli qöşma majlis iştirokçilari!
Şu kunlarda barçamiz birgalikda yuragimizda çuqur dard bilan, örnini töldirib bölmaydigan oğir judolikni boşimizdan keçirmoqdamiz. Nuroniy oqsoqollarimiz, mö'tabar onalarimiz va opa-singillarimiz, yoş yigit va qizlarimiz, 32 millionlik butun Özbekiston xalqi, xorijiy mamlakatlardagi köpsonli döstlarimiz buyuk davlat va siyosat arbobi, mamlakatimizning Birinçi Prezidenti Islom Abduğaniyeviç Karimovni çeksiz qayğu bilan sönggi yölga kuzatdilar.
Şu fursatdan foydalanib, aziz Islom Abduğaniyeviçning rafiqasi — hurmatli Tatyana Akbarovnaga, qizi — Lola Islomovnaga va yaqinlariga barçamizning nomimizdan yana bir bor çuqur ta'ziya bildirişga ruxsat bergaysiz.
Vaqt va hayotning özi Islom Abduğaniyeviç Karimovning zamonamizning uluğ siyosatçisi, uzoqni köradigan va strategik fikr yuritadigan şaxs, dunyoda va turli mintaqalarda yuz berayotgan öta murakkab voqea-hodisalarning mohiyatini davlatçilik nuqtai nazaridan köra biliş qobiliyatiga ega bölgan, öz yurti va xalqi uçun, har bir vatandoşimizning taqdiri uçun ulkan mas'uliyat tuyğusini çuqur his qiladigan atoqli rahbar ekanligini har tomonlama tasdiqladi.
Milliy tariximizning eng keskin va tahlikali davrida, millatlararo töqnaşuvlar va boşqa ziddiyatlar avj olgan, mamlakatimizda fuqarolar uruşi xavfi yuzaga kelgan, iqtisodiyot çuqur inqirozga uçragan, bir söz bilan aytganda, eski zamonning umri tugab, yangi zamon boşlanayotgan bir paytda Islom Abduğaniyeviçning respublika rahbari etib saylanişi Yaratganning xalqimizga bebaho marhamati bölgan edi.
Islom Abduğaniyeviçga xos bölgan bukilmas iroda, fidoyilik, mardlik va vatanparvarlik, insoniylik va adolatparvarlik, samimiylik va mehribonlik kabi olijanob fazilatlar barçamiz uçun yorqin ibrat namunasi bölib qoldi.
Zamonaviy Özbekistonning tarixi — bu mamlakatimizning haqiqiy mustaqillikka erişiş yölida Islom Abduğaniyeviç Karimov rahnamoligida olib borilgan öta murakkab va oğir kuraşlar tarixidir. Buyuk Yölboşçimiz haqli ravişda demokratik talablar va xalqaro mezonlarga töliq javob beradigan Özbekiston Respublikasi Konstitutsiyasining ham asosiy muallifi edilar.
Mavzuga oid
Mamlakatimiz totalitar tizimdan voz keçib, mustaqil taraqqiyot yölini tanladi, köplab qiyinçilik va sinovlardan ötib, tarixan qisqa davrda jahon hamjamiyatida öziga munosib örin egalladi.
Konstitutsiya va uning negizida yaratilgan puxta qonunlar, şuningdek, Mamlakatimizda demokratik islohotlarni yanada çuqurlaştiriş va fuqarolik jamiyatini rivojlantiriş konsepsiyasi hokimiyat institutlarini şakllantirişni va ularning tölaqonli faoliyat körsatişini, fuqarolarning huquq va erkinliklarini himoya qiliş, mulkçilikning barça turlarini, fuqarolarning davlat boşqaruvidagi faol iştirokini ta'minladi.
Islom Abduğaniyeviç «Iqtisodiy mustaqillikka erişmasdan siyosiy mustaqillikni ta'minlab bölmaydi» degan tamoyil va eng muhim ustuvor vazifani amalga oşirişni strategik masala deb hisoblar edilar.
Davlatimiz rahbari tomonidan işlab çiqilgan iqtisodiy dasturlarning amalga oşirilişi mamlakatimizning izçil va barqaror rivojlanişini ta'minladi.
Mustaqillik yillarida Özbekiston iqtisodiyoti qariyb 6 marta ösdi. Unda sanoatning uluşi 14 foizdan 34 foizga oşdi. Oxirgi 11 yil davomida yalpi içki mahsulotning örtaça yillik ösiş sur'ati 8 foizdan kam bölmagan darajada saqlanmoqda. Faol investitsiya siyosati amalga oşirilmoqda.
Mutlaqo yangi, yuqori texnologiyalarga asoslangan sanoat tarmoqlari, xususan, neft-kimyo, kimyo, avtomobilsozlik sanoati, qişloq xöjaligi va temir yöl maşinasozligi, farmatsevtika, elektrotexnika, töqimaçilik sanoati, zamonaviy quriliş materiallari işlab çiqariş va boşqa sohalar izçil rivojlanmoqda.
Bugun Özbekiston iqtisodiyoti jadal rivojlanayotgan dunyodagi beşta davlat qatoriga kiradi. Buning yaqqol isboti sifatida mamlakatimizda qurilgan va öz kölami böyiça jahon miqyosida ham yirik va noyob hisoblangan sanoat obektlari, xususan, Ustyurt va Şörtan gaz-kimyo komplekslari, Buxoro neftni qayta işlaş zavodi, Qönğirot soda zavodi, Dehqonobod kaliy öğitlari zavodi, Andijon, Samarqand, Toşkent va Xorazm viloyatlaridagi avtomobilsozlik zavodlarini misol qilib keltiriş mumkin.
Respublikamizda jadal sur'atlar bilan zamonaviy yöl-transport va muhandislik-kommunikatsiya infratuzilmasi taşkil qilinmoqda. Jumladan, Qamçiq dovonidan ötadigan, noyob toğ tunnelini öz içiga olgan Angren-Pop temir yöl tarmoği, Toşguzar-Boysun-Qumqörğon temir yöli qurildi. Toşkentdan Samarqand, Qarşi va Buxoroga yölovçi taşiydigan yuqori tezlikdagi temir yöl qatnovi oçildi. Xalqaro aeroportlar modernizatsiya qilindi, Navoiy aeroporti negizida xalqaro logistika markazi taşkil qilindi va Özbekiston milliy avtomagistrali barpo etildi.
Qişloq xöjaligida tub tarkibiy islohotlar amalga oşirildi. Barçamiz yaxşi eslaymiz, yaqin ötmişda Özbekistonni paxta monopoliyasi hukmronlik qiladigan agrar bir mamlakat deb bilişar edi. Misol uçun, 1990 yilda aholining oziq-ovqat mahsulotlariga bölgan ehtiyoji, asosan, çetdan olib kelinadigan import hisobidan qondirilar edi.
Islom Abduğaniyeviç Karimovning taşabbusi bilan yer va suv resurslaridan samarali va oqilona foydalaniş, ekin maydonlarini optimallaştiriş va yangi, ilğor agrotexnologiyalarni joriy etiş, qayta işlaydigan zamonaviy korxonalarni taşkil etiş böyiça keng çora-tadbirlar kompleksi işlab çiqildi va amalga oşirildi. Haqiqiy mulkdorlarning yangi sinfi bölgan fermerlik harakati şakllantirildi.
Aholi jon boşiga asosiy oziq-ovqat mahsulotlarini örtaça iste'mol qiliş darajasi köpaydi: göşt, sut va ulardan tayyorlangan mahsulotlar — 1,5 barobar, sabzavot — 2,6 barobar, meva — 6,3 barobar oşdi.
Mamlakatimizda xususiy mulkçilik va tadbirkorlik, kiçik biznesni rivojlantiriş uçun keng imkoniyatlar va qulay şart-şaroitlar yaratildi. Kiçik biznes va xususiy tadbirkorlikning yalpi içki mahsulotdagi uluşi 56,5 foizga yetdi. Bu sohada iş bilan band aholining 78 foizi mehnat qilmoqda va ular mamlakatimizning gullab-yaşnaşi uçun munosib hissa qöşmoqda.
Davlatimiz rahbari tomonidan ilgari surilgan «Islohot — islohot uçun emas, avvalo inson uçun» degan ezgu ğoyani amalga oşiriş, ijtimoiy yönaltirilgan bozor iqtisodiyotini şakllantiriş böyiça körilgan çora-tadbirlar aholining hayot darajasi va sifatini sezilarli darajada yaxşilaşni ta'minladi.
Bugungi kunda Davlat byudjyetining qariyb 60 foizi ijtimoiy sohani rivojlantirişga yönaltirilmoqda. 1991 yilga taqqoslaganda, aholining real daromadlari 12 barobardan ziyod köpaydi, iş haqi, pensiya va ijtimoiy nafaqalar salmoqli darajada oşdi. Iste'mol tovarlari işlab çiqarişni jadal sur'atlar bilan oşiriş va aholining ularga bölgan talabini qondiriş ta'minlanmoqda.
Mamlakatimiz rahbari siyosiy, iqtisodiy va ijtimoiy jihatdan strategik ahamiyatga ega bölgan masalalarni yeçiş bilan bir qatorda, jamiyatimiz hayotini, fuqarolarimizning ongu tafakkuri va dunyoqaraşini tubdan özgartirişga qaratilgan köpqirrali vazifalarga doimo katta e'tibor qaratar edilar.
«Farzandlarimiz bizdan köra kuçli, bilimli, dono va albatta baxtli bölişlari şart» degan çuqur ma'noli fikrlari hammamizning qalbimizda muhrlanib qolgan.
Yurtboşimiz mamlakatimizning bugungi va ertangi kunini hal qiluvçi kuç bölib maydonga çiqayotgan yoşlarimizning tafakkuri va dunyoqaraşini keskin özgartirgan, mutlaqo yangi ta'lim va tarbiya tizimini yaratiş va hayotga tatbiq qiliş işlariga bevosita mualliflik va rahbarlik qildilar.
Yurtimizda ilm-fan, soğliqni saqlaş, madaniyat va san'at, sport kabi muhim sohalar faol tarzda rivojlanmoqda.
Davlatimiz rahbari xalqimizning ma'naviy qadriyatlariga ehtirom bilan munosabatda böliş, muqaddas dinimiz, an'ana va urf-odatlarimiz, bebaho tarixiy merosimizni saqlab qoliş va rivojlantirişni davlat siyosati darajasiga kötardi.
Fuqarolik jamiyati institutlarini şakllantiriş, ayniqsa, davlat va jamiyat boşqaruvida mahallaning nufuzini oşiriş, uning huquq va vakolatlarini kengaytiriş borasida ulkan işlarni amalga oşirdi.
Yurtboşimiz keksa avlod vakillariga, muhtaram faxriylarimizga hurmat-ehtirom va amaliy ğamxörlik körsatişni öta muhim vazifa deb hisoblar edilar.
Oliy Boş Qömondon sifatida Islom Abduğaniyeviç Karimov Qurolli Kuçlarimizni tubdan isloh qiliş, jangovar qobiliyatini kuçaytiriş va şu asosda Özbekiston Respublikasining hududiy yaxlitligini va mustaqilligini himoyalaş, sarhadlarining daxlsizligini, xalqimizning tinç va osuda hayotini ta'minlaş uçun beqiyos xizmat körsatdilar.
U kişining taşabbuslari bilan tinçlikparvarlik, boşqa davlatlarning içki işlariga aralaşmaslik va yuzaga kelayotgan qarama-qarşilik va ziddiyatlarni faqat va faqat tinç, siyosiy yöl bilan hal etişga asoslangan Özbekiston Respublikasining taşqi siyosiy faoliyati konsepsiyasi işlab çiqildi va amalga oşirilmoqda.
Hurmatli deputat va senatorlar!
Biz oxirgi 25 yil davomida juda köplab muhim anjuman va yiğilişlarni ötkazdik. Ularning barçasiga muhtaram Prezidentimiz Islom Abduğaniyeviç Karimov boşçilik qilganlaridan yaxşi xabardorsiz. Bugun esa tariximizda birinçi marta bunday muhim yiğilişni aziz rahbarimizning iştirokisiz ötkazmoqdamiz. Göyoki xayolimizda u kişi hozir zalga kirib keladigandek.
Öylaymanki, bugungi majlisda qatnaşayotgan har bir inson şu zalda buyuk Yölboşçimizning ruhi va nafasini sezib turibdi. Özbekiston Respublikasi Birinçi Prezidentining ölmas ğoyalari, fikr, körsatmalari bizning qalbimiz va ongimizga şunday çuqur singib ketganki, ular bizning kelajak sari qat'iyat bilan borişimizda barçamizga doimo tayanç va suyanç bölişi muqarrar.
Şu munosabat bilan, biz dunyodagi hozirgi murakkab va keskin şaroitni har tomonlama hisobga olgan holda, özimizning birinçi darajali vazifalarimizni birgalikda belgilab olişimiz darkor.
Bugun biz xalqimizni işontirib, baland ovoz bilan aytişimiz zarurki, buyuk ustozimizning siyosiy merosi, ya'ni, u kişi belgilab bergan taraqqiyotimizning asosiy tamoyillari, ustuvor yönalişlar, maqsad va vazifalarni sözsiz va töliq amalga oşiriş biz uçun ham qarz, ham farzdir.
Birinçidan, biz har doim Islom Abduğaniyeviç Karimovning çuqur ma'noli ögitlarini, ayniqsa, «Bizga tinçlik va omonlik kerak!» degan sözlarini heç qaçon esdan çiqarmasligimiz lozim.
Turli xavf-xatarlar kuçayib borayotgan bugungi tahlikali vaziyatda bebaho boyligimiz bölgan tinçlik va osoyiştalikni köz qoraçiğidek saqlaşimiz, yurtimizdagi millatlar va dinlararo hamjihatlik, özaro hurmat va mehr-oqibat muhitini yanada mustahkamlaşimiz kerak.
Şu bilan birga, jamiyatimizda qonun ustuvorligi, tartib-intizom, fuqarolarning huquq va erkinliklarini ta'minlaşimiz zarur. Barçamizga ma'lumki, Islom Abduğaniyeviç Karimov «Odamlar hamma narsaga çidaşi mumkin, lekin adolatsizlikka çiday olmaydi», deb köp-köp ta'kidlar edilar. Biz barpo etayotgan huquqiy davlatda adolatsizlikning heç qanday şaklda ustun bölişiga yöl qöymasligimiz zarur. Bu hokimiyatning barça tarmoqlari, eng avvalo, davlat boşqaruvi organlarining va ayniqsa huquqni muhofaza qiliş organlarining birinçi darajali vazifasidir. Biz xalqimizning, bugungi zamonning ana şu muhim talabi sözsiz bajarilişini ta'minlaşimiz şart.
Ikkinçidan, davlatimiz xavfsizligini har tomonlama mustahkamlaşimiz, har bir fuqaroning tinçligi va osoyiştaligini ta'minlaşimiz lozim. Vaziyatni izdan çiqariş, nifoq soliş, duşmanlik uruğini sepiş, turli mojarolarni keltirib çiqariş va hatto qon tökilişini istayotgan kuçlar ham mavjudligi heç kimga sir emas.
Oçiq tan oliş kerak, biz notinç zamonda, notinç bir mintaqada yaşamoqdamiz. Şu sababli Vatanimiz himoyasini işonçli kafolatlayotgan, mudofaa qobiliyatimizni mustahkamlayotgan va davlat çegaralarimiz daxlsizligini ta'minlayotgan tizimli çora-tadbirlar kompleksini joriy etişni qat'iyat bilan davom ettirişimiz zarur.
Biz Qurolli Kuçlarimiz va huquq-tartibot organlarimizni bundan keyin ham har tomonlama mustahkamlab boramiz. Heç kimda zarraça ham şubha bölmasligi kerak — mamlakatimiz suvereniteti va mustaqilligiga xavf tuğdiradigan içki va taşqi kuçlarning har qanday harakatlariga, har qanday urinişlariga qat'iy va munosib zarba beriladi.
Bizning yana bir eng muhim ustuvor vazifamiz — Islom Abduğaniyeviç Karimov tomonidan işlab çiqilgan "özbek modeli"ning asosi bölmiş beş tamoyilni amalga oşiriş asosida iqtisodiyotda tarkibiy özgarişlarni davom ettiriş va uning raqobatdoşligini ta'minlaşdan iborat.
Mamlakatimizning kelgusi rivoji, xalqimiz farovonligi, uning turmuş darajasi va sifatini yuksaltiriş aynan şu masalaga boğliq.
Jahon iqtisodiyotida ösiş sur'atlari sekinlaşib, eng muhim eksport tovarlarimizga taşqi talab kamayib, dunyo bozorida ularning narxi pasayib borayotgan şaroitda Islom Abduğaniyeviç Karimov tomonidan iqtisodiyotimizni isloh qilişni çuqurlaştiriş böyiça belgilab berilgan ustuvor vazifalarni bajarişga qaratilgan işlarimizni yanada kuçaytirişimiz kerak.
Şu bilan birga, Oliy Majlis palatalarining 2015 yil yanvar oyidagi qöşma majlisida taklif etilgan Vazirlar Mahkamasining Harakat dasturini amalda bajarişni davom ettiriş zarur. Bu borada iqtisodiy islohotlarni çuqurlaştirişni davom ettiriş, xususiy mulkni rivojlantirişni jadallaştiriş, davlatning iqtisodiyotdagi uluşini kamaytiriş va tarkibiy özgartirişlarni jadallaştirişga qaratilgan işlarni izçil amalga oşiriş muhim ahamiyatga egadir.
Yuqorida aytilgan fikrlardan kelib çiqqan holda, asosiy diqqat-eʼtiborni quyidagi ustuvor vazifalarga qaratiş zarur, deb hisoblaymiz.
Birinçidan, makroiqtisodiy barqarorlikni yanada mustahkamlaş va keyingi yillardagi iqtisodiy ösiş sur'atlarini saqlab qoliş zarur. Milliy valyutamiz barqarorligini ta'minlaş, bank tizimini mustahkamlaş, mamlakatimizda va mahalliy darajada byudjyet barqarorligini ta'minlaş böyiça qöşimça kompleks çora-tadbirlarni amalga oşiriş kerak.
Bunda çetdan qarz oliş böyiça konservativ yondaşuv siyosatini davom ettiriş, davlatning taşqi qarzi haddan ziyod oşib ketişiga yöl qöymaslik muhim ahamiyat kasb etadi. Bularning barçasi Islom Abduğaniyeviç Karimovning avvalo özimizning kuç va imkoniyatlarimizga tayaniş zarurligi haqidagi uzoqni közlagan strategiyasini davom ettiriş bilan boğliq.
Ikkinçidan, nodir va qimmatbaho metallarni çuqur qayta işlaş, oziq-ovqat va kimyo sanoatini rivojlantiriş böyiça qabul qilingan dasturlarni amalga oşirişimiz zarur.
Uçinçidan, taşqi bozorlarda raqobat va beqarorlik kuçayib borayotgan şaroitda iqtisodiyotning real tarmoqlari bilan bir qatorda mamlakatimiz hududlarida ham raqobatdoş mahsulotlar işlab çiqarişni köpaytiriş va eksport salohiyatini oşiriş alohida ahamiyatga ega.
Ana şu maqsadda kiçik biznes va xususiy tadbirkorlik sub'yektlari, şuningdek, fermer xöjaliklarining eksportda iştirok etişini yanada rağbatlantiriş böyiça qöşimça kompleks çora-tadbirlarni amalga oşiriş zarur. Bu iqtisodiy ösiş, tarmoqlar va hududlarni rivojlantiriş, aholining mehnat bilan bandligini ta'minlaş va moddiy farovonligini oşirişning asosiy lokomotivi bölişi kerak.
Törtinçidan, Islom Abduğaniyeviç Karimovning xususiy tadbirkorlik va kiçik biznes sub'yektlari manfaatlarini mustahkam himoya qiliş töğrisidagi talab va topşiriqlari ijrosini izçil davom ettiriş darkor. Turli byurokratik tösiqlar va asossiz tekşiruvlarni bundan keyin ham qat'iyat bilan çeklaş zarur.
Beşinçidan, eng muhim ijtimoiy-iqtisodiy vazifa — Oliy Majlis palatalari tomonidan tasdiqlangan Aholining mehnat bilan bandligini oşiriş dasturini bajarişdan iborat. Yil oxiriga qadar bir milliondan ziyod yangi iş örinlarini taşkil etişimiz zarur. Kasb-hunar kollejlarining 480 ming nafar bitiruvçisini işga joylaştiriş masalasi alohida nazoratni talab qiladi.
Biz jamiyatning ijtimoiy tabaqalaniş darajasini pasaytiriş, mamlakatimizda öta boylar ham, öta kambağallar ham bölmasligi böyiça Islom Abduğaniyeviç tomonidan belgilab berilgan siyosatni qat'iy davom ettiramiz.
Oltinçidan, xalqaro kommunikatsiya tarmoqlariga ulangan zamonaviy yöl-transport va muhandislik infratuzilmasini şakllantiriş, şuningdek, milliy axborot-kommunikatsiya tizimlarini rivojlantiriş böyiça Özbekiston Respublikasi Prezidenti tomonidan puxta öylangan va işlab çiqilgan strategiyani amalga oşirişni davom ettiramiz.
Bugungi şaroitda eng ilğor axborot-kommunikatsiya texnologiyalarini keng joriy etiş ustuvor ahamiyat kasb etmoqda. Bu sohada qabul qilingan Milliy dasturga muvofiq, telekommunikatsiya texnologiyalarini, aloqa tizimlari va infratuzilmasini yanada rivojlantiriş, informatsion tizimlar komplekslari va «Elektron hukumat» axborot bazasini şakllantirişimiz kerak.
Mamlakatimiz hududlarini kompleks rivojlantiriş sohasidagi işlarni davom ettirib, Qarşi, Şahrisabz, Toşkent, Termiz, Namangan va Urganç şaharlarini obodonlaştiriş böyiça mamlakatimiz Prezidenti tomonidan qabul qilingan qarorlarning amalda bajarilişini ta'minlaş kerak.
Qişloq xöjaligini yanada isloh qiliş va rivojlantiriş böyiça birinçi navbatdagi vazifa — köp tarmoqli fermerlikni rivojlantiriş, har bir fermer xöjaligining iqtisodiy samaradorligi va moliyaviy barqarorligini ta'minlaşdir. Bu masalani biz mamlakatimiz oziq-ovqat xavfsizligini ta'minlaşning garovi deb hisoblaymiz.
Islom Abduğaniyeviç Karimov taşabbuskori bölgan qişloqlarimiz qiyofasini tubdan özgartiriş, qişloq aholisi uçun şahar darajasidagi turmuş şaroitini ta'minlaydigan namunaviy uy-joylarni va tegişli infratuzilmani quriş böyiça dasturni faol davom ettiramiz.
Ta'lim va tarbiya, ilm-fan, soğliqni saqlaş, madaniyat va san'at, sportni rivojlantiriş masalalari, yoşlarimizning çuqur bilimga ega bölişi, çet tillarini va zamonaviy axborot-kommunikatsiya texnologiyalarini puxta egallaşini ta'minlaş doimiy ustuvor vazifamiz bölib qoladi.
Eng muhim yönalişlardan yana biri — jamiyatimizda demokratik jarayonlarni çuqurlaştiriş, fuqarolik institutlari rivojlanişini qöllab-quvatlaş, siyosiy partiyalarning obro‘-e'tibori va ta'sirini oşiriş, saylovçilarning ovozi uçun raqobatni kuçaytirişdan iborat.
Hurmatli döstlar!
Biz bundan buyon ham barça xorijiy mamlakatlar, jahon hamjamiyati bilan samarali hamkorligimizni davom ettiramiz.
Bu borada Özbekistonning xalqaro miqyosdagi obro‘-e'tibori va pozitsiyasini yanada kuçaytiriş maqsadida Özbekiston Respublikasining Taşqi siyosiy faoliyati konsepsiyasi faol amalga oşiriladi.
Heç qanday harbiy-siyosiy bloklarga qöşilmaslik, boşqa davlatlarning harbiy bazalari va obektlari Özbekiston hududida joylaşişiga, şuningdek, harbiy xizmatçilarimizning mamlakatimiz hududidan taşqarida bölişiga yöl qöymaslik, ilgarigidek, davlatimizning qat'iy siyosiy pozitsiyasi bölib qoladi.
Mamlakatimizning milliy manfaatlarini ta'minlaşda muhim ahamiyatga ega bölgan Markaziy Osiyo mintaqasi Özbekiston taşqi siyosiy faoliyatining asosiy ustuvor yönalişi hisoblanadi. Biz özimizning yaqin qöşnilarimiz Turkmaniston, Qozoğiston, Tojikiston va Qirğiziston bilan oçiq, döstona va pragmatik siyosat olib borişga sodiq qolamiz.
Taşqi siyosatimizning ustuvor yönalişi bu — Mustaqil Davlatlar Hamdöstligi mamlakatlari bilan aloqalarimizni mustahkamlaşdan iborat. Birinçi navbatda, Rossiya Federatsiyasi bilan Strategik şeriklik, Ittifoqçilik munosabatlari töğrisidagi şartnomalar va boşqa muhim kelişuvlar asosida döstona aloqalarni izçil rivojlantiriş va kuçaytiriş ikki mamlakat manfaatlariga javob beradi va mintaqada barqarorlik va xavfsizlikni mustahkamlaşga xizmat qiladi.
Amerika Qöşma Ştatlari bilan özaro manfaatli va konstruktiv hamkorlikni har tomonlama rivojlantiriş bizning taşqi siyosatimizda ustuvor ahamiyatga ega bölib qoladi.
Özbekiston mintaqadagi yaqin qöşnimiz hamda global va mintaqaviy muammolarni yeçişda muhim rol öynaydigan Xitoy Xalq Respublikasi bilan har tomonlama strategik hamkorlikni yanada mustahkamlaşdan manfaatdordir.
Osiyo va Tinç okeani mintaqasida biz Yaponiya, Koreya Respublikasi va boşqa davlatlar bilan iqtisodiyot, investitsiyalar, fan va texnologiyalar, ta'lim, soğliqni saqlaş va turizm sohalarida hamkorlik munosabatlarini yanada rivojlantirişga ustuvor darajada ahamiyat beramiz.
Özbekiston uçun Yevropaning yetakçi davlatlari, avvalambor Germaniya, Fransiya va Buyuk Britaniya, Markaziy va Şarqiy Yevropa davlatlari bilan özaro manfaatli hamkorlikni rivojlantiriş muhim ahamiyat kasb etadi.
Biz Hindiston, Pokiston va Janubiy Osiyoning boşqa davlatlari bilan siyosiy, savdo-iqtisodiy, transport-kommunikatsiya va madaniy-gumanitar sohalarda hamkorlikni yanada rivojlantiriş tarafdorimiz.
Özbekiston Afğonistonga nisbatan an'anaviy ravişda yaqin qöşniçilik va döstona siyosat olib boradi.
Biz Yaqin va Örta Şarq davlatlari bilan özaro manfaatli va keng qirrali munosabatlarni rivojlantiriş va mustahkamlaşni davom ettiramiz.
Lotin Amerikasi va Karib mintaqasi, Afrika qit'asining yetakçi davlatlari bilan aloqalarni kengaytiriş va mustahkamlaş Özbekistonning milliy manfaatlariga javob beradi.
Birlaşgan Millatlar Taşkiloti, Şanxay hamkorlik taşkiloti, Mustaqil Davlatlar Hamdöstligi, Islom hamkorlik taşkiloti va boşqa xalqaro taşkilotlar bilan faol munosabatlar va hamkorlik olib boriş Özbekistonning milliy manfaatlariga xizmat qiladi.
Biz Jahon banki, Osiyo taraqqiyot banki, Islom taraqqiyot banki, Xalqaro valyuta jamğarmasi, boşqa xalqaro moliya va iqtisodiy taşkilotlar bilan davlatimiz iqtisodiyotida amalga oşirilayotgan tarkibiy islohotlarni qöllab-quvvatlaşga qaratilgan hamkorlikni yanada rivojlantiramiz.
Hurmatli qöşma majlis iştirokçilari!
Iqtisodiy va ijtimoiy islohotlarning ustuvor vazifalarini muvaffaqiyatli ado etiş, birinçi navbatda, Oliy Majlis palatalari, Vazirlar Mahkamasi, barça darajadagi hokimliklar, davlat va xöjalik boşqaruv idoralari, butun xalqimizning Özbekiston Respublikasining Birinçi Prezidenti ğoyalari atrofida jipslaşib, bir yoqadan boş çiqarib, hamjihatlik bilan bor kuç va imkoniyatlarini safarbar etişiga boğliq ekanini hammamiz yaxşi tuşunamiz.
Mana şu ezgu maqsad yölida — Vatanimiz mustaqilligini har tomonlama mustahkamlaş, mamlakatimizning barqaror iqtisodiy va ijtimoiy rivojlanişini, xalqimiz farovonligini ta'minlaşga qaratilgan işlarimizda buyuk Yurtboşimiz Islom Abduğaniyeviç Karimovning «Ona Vatanimiz va xalqimizga sadoqat bilan xizmat qiliş — oliy saodatdir» degan sözlari doimo bizga kuç-quvvat va ğayrat bağişlaydi, deb işonaman.
E'tiboringiz uçun rahmat.
* * *
Özbekiston Respublikasi Oliy Majlisi Qonunçilik palatasi va Senati qöşma majlisining qarori qabul qilinganidan söng Özbekiston Respublikasi Boş vaziri Şavkat Mirziyoyev sözga çiqdi.
— Hurmatli Spiker!
Hurmatli Senat Raisi!
Muhtaram deputat va senatorlar!
Avvalo, menga bildirilgan yuksak işonç uçun sizlarga özimning samimiy minnatdorçiligimni bildirişga ruxsat bergaysiz.
Özbekiston Respublikasi Prezidenti sayloviga qadar bölgan muddatda mening zimmamga bugun nihoyatda murakkab va öta mas'uliyatli vazifa yuklanganini har tomonlama çuqur his qilib turibman.
Özbekiston Respublikasining Birinçi Prezidenti, buyuk Yölboşçimiz, qadrli Islom Abduğaniyeviç Karimov tomonidan işlab çiqilgan va çorak asr mobaynida samarali amalga oşirib kelingan davlatimizning siyosiy, ijtimoiy va iqtisodiy sohalardagi hamda demokratik islohotlarni joriy etiş borasidagi izçil mustaqil taraqqiyot yölini davom ettirişni şu davrda özimning eng asosiy vazifam deb bilaman.
Zamonamizning buyuk davlat va siyosat arbobi, uzoqni köra biladigan rahbar, olijanob ma'naviy va axloqiy fazilatlar egasi bölgan bu uluğ inson men uçun yuksak ideal, öz Vatani, öz xalqiga fidokorona xizmat qilişning yorqin namunasidir.
Sizlarni işontirib aytamanki, Islom Abduğaniyeviç Karimov bizga vasiyat qilib qoldirgan barça hayotiy tamoyillarga oğişmasdan, qat'iy amal qilaman. U kişining rahbar doimo odamlarning, elyurtning dardu taşvişi bilan yaşaşi, ularning orzu-niyatlarini röyobga çiqariş uçun huzur halovatdan voz keçib, özini ayamasdan mehnat qilişi kerak, degan dono ögitlarini öz faoliyatim uçun asosiy mezon va talab sifatida qabul qilaman.
Bu borada mamlakatimiz fuqarolarining huquq va erkinliklarini, Özbekiston Respublikasining Konstitutsiyasi va qonunlariga amal qilinişini ta'minlaşni, Özbekiston Respublikasining suvereniteti, xavfsizligi va hududiy yaxlitligini muhofaza etiş yuzasidan zarur çora-tadbirlar körişni, respublika oliy hokimiyat va boşqaruv organlarining hamkorlikda işlaşini ta'minlaşni, yaqin va uzoq qöşni davlatlar bilan özaro manfaatli hamkorlik aloqalarini rivojlantirişni eng asosiy vazifa deb hisoblayman.
Özbekiston Respublikasining Qonunçilik palatasi va Senati a'zolari bilan, mamlakatimizda faoliyat olib borayotgan siyosiy partiyalar, fuqarolik institutlari bilan birgalikda, bir yoqadan boş çiqarib işlaşni oldimizda turgan ğoyat muhim va ustuvor vazifalarni muvaffaqiyatli amalga oşirişning eng asosiy omili va garovi deb bilaman.
El-yurtimizning yuksak işonçini oqlaş, Vatanimiz mustaqilligini yanada mustahkamlaş, mamlakatimizning barqaror taraqqiyotini ta'minlaş yölidagi amaliy işlar bilan aziz Yurtboşimiz Islom Abduğaniyeviç Karimovning ruhi poklarini şod etiş uçun bor bilim va tajribamni, salohiyat va kuç-ğayratimni safarbar etaman.
Işonamanki, uluğ Yurtboşimizning bizga qoldirgan bebaho merosi, ölmas ğoya va dasturlari yölimizni nurafşon qilib, barçamizga doimo madadkor böladi.
