O‘zbekiston Respublikasi prezidenti Shavkat Mirziyoyev “Yurtimiz taraqqiyotiga munosib hissa qo‘shib kelayotgan yosh avlod vakillarini mukofotlash to‘g‘risida”gi farmonni imzoladi.
Mamlakatimiz yoshlari xalqimizning mehnatsevarlik, bilim va ma'rifatga intilish, milliy va umuminsoniy qadriyatlarga hurmat, bag‘rikenglik kabi olijanob fazilatlarini o‘zida mujassam etib, Vatan manfaatlarini himoya qilishga qodir bo‘lgan barkamol avlod sifatida jamiyatimizda munosib o‘rin egallamoqda.
O‘zbek xalqining ulkan salohiyati bugungi kunda hal qiluvchi kuch bo‘lib hayotga kirayotgan, zamonaviy bilim va kasb-hunar sirlarini puxta egallagan, azmu shijoatli, navqiron yosh avlodimiz timsolida yaqqol namoyon bo‘lmoqda.
Yurtimizning ishlab chiqarish, ilm-fan, ta'lim-tarbiya, tibbiyot, madaniyat, adabiyot, san'at, sport va boshqa sohalarda jonbozlik ko‘rsatib, mamlakatimiz ravnaqiga, uning jahon miqyosidagi obro‘-e'tiborini yuksaltirishga munosib hissa qo‘shayotgan vatanparvar va fidoyi yoshlarimizning ezgu intilishlarini qo‘llab-quvvatlash va rag‘batlantirish maqsadida quyidagilar davlatimizning orden va medallari bilan mukofotlansin:
«Do‘stlik» ordeni bilan
Baratova Madina Xasanovna - O‘zbekiston yoshlar ittifoqining Buxoro viloyati Kengashi raisi o‘rinbosari, «Kamalak» bolalar tashkiloti raisi
Sultonov Sarvarbek To‘lqinbek o‘g‘li - O‘zbekiston yoshlar ittifoqining Sirdaryo viloyati Kengashi raisi o‘rinbosari, «Kamalak» bolalar tashkiloti raisi
Tadjiyev Odiljon Patixdjonovich - O‘zbekiston yoshlar ittifoqi Markaziy Kengashi raisining tadbirkorlikni rivojlantirish, yoshlarni ijtimoiy himoyalash va bandlikka ko‘maklashish masalalari bo‘yicha birinchi o‘rinbosari
Tuxtayev Xusen Mirzayevich - O‘zbekiston yoshlar ittifoqining Samarqand davlat universitetidagi boshlang‘ich tashkiloti yetakchisi
Xodjayev Jamshid Baxtiyorovich - O‘zbekiston yoshlar ittifoqining Navoiy viloyati Kengashi raisi
Shukurov Elbek Xabibullayevich - O‘zbekiston yoshlar ittifoqining Toshkent shahar Kengashi raisi
«Shuhrat» medali bilan
Abbasova Mehrinoz Nosirjon qizi - O‘zbekiston yoshlar ittifoqining Markaziy Kengashi ta'sischiligidagi «Yosh ijodkorlar uyushmasi» nodavlat notijorat tashkiloti raisi
