Dilshod Kenjayev prezident maslahatchisi o‘rinbosari etib tayinlandi

O‘zbekiston prezidentining farmoni bilan Dilshod Kenjayev O‘zbekiston prezidentining yoshlar, fan, ta'lim, sog‘liqni saqlash, madaniyat va sport masalalari bo‘yicha maslahatchisi o‘rinbosari lavozimiga tayinlandi.

Dilshod Kenjayev xalq ta'limi vazirining yoshlar masalalari bo‘yicha o‘rinbosari lavozimini egallab kelayotgandi. U o‘z vaqtida vazirlik boshqarma boshlig‘i va xalq ta'limi vazirining ma'naviyat masalalari bo‘yicha o‘rinbosari sifatida ishlagan.

Ma'lumot uchun, Abdujabbor Abduvohidov O‘zbekiston prezidentining yoshlar, fan, ta'lim, sog‘liqni saqlash, madaniyat va sport masalalari bo‘yicha maslahatchisi hisoblanadi. 

Bungacha Abduvohidovning ikki o‘rinbosari bor edi - birinchi o‘rinbosar Laziz To‘ychiyev va o‘rinbosar Abdurashid Jo‘raboyev.