Toshkent shahar hokimligi o‘rindiq va chiqindi qutilarini o‘rnatish bo‘yicha takliflar to‘plashni boshladi

O‘rindiq va chiqindi tashlash qutisi uchun joylarni taklif qilish imkoniyati bor.

Toshkent shahar hokimligi va shahar obodonlashtirish bosh boshqarmasi poytaxtning turli manzillarida o‘rindiq va chiqindi tashlash qutilarini o‘rnatishni rejalashtirgan.

«Xalq Nazorati» portalining maxsus bo‘limida shahar aholisidan o‘rindiq va chiqindi tashlash qutilarini o‘rnatish uchun manzillar bo‘yicha takliflar to‘planmoqda.

O‘rindiq/chiqindi tashlash qutilarini o‘rnatish uchun ariza berish uchun ikki bosqichdan o‘tish kerak:

taklif qilinayotgan joyning fotosurat(lar)ini yuboring;
shahar xaritasida joyni belgilang va lokatsiyani yuboring.

Taklif shaharda yashovchilarning takliflarini hisobga olgan holda inobatga olinadi. O‘rindiq va chiqindi tashlash qutilari eng kerakli joylarda o‘rnatiladi.