«Liverpul» hujumchisi Sadio Mane faoliyatini Bundesligada davom ettiradigan bo‘ldi.
Foto: AP
«Bavariya» klubi senegallik 30 yoshli futbolchi transferini e’lon qildi. Tomonlar 2025 yilning yoziga qadar kelishuvga erishgan.
Avvalroq, Myunxen klubi Mane transferi uchun «Liverpul»ga 32 million yevro to‘lashi, ushbu mablag‘ bonuslar hisobiga 40 million yevrogacha yetishi mumkinligi haqida xabar qilingandi.
Ma’lumot uchun, Sadio 2016 yildan buyon «Liverpul» safida to‘p surib kelayotgan edi. 30 yoshli hujumkor futbolchi joriy mavsum klubi safida 50 bahsda 23ta gol kiritib, 2ta golli uzatmaga mualliflik qilgan. Mane klubi safida jami 269 o‘yinda 120ta gol va 48ta assist muallifiga aylangan.
