Norvegiyada neft va gaz qazuvchilar ish tashladi 

Norvegiyada bir nechta neft va gaz qazib oluvchi korxonalar xodimlari oylik maoshlari kamligidan norozi bo‘lib ish tashlash e’lon qildi. Xabar qilinishicha, Gudrun, Oseberg Süd va Oseberg Ost konlarida ish to‘xtatilgan, ularga yana to‘rtta kon ishchilari qo‘shilishi mumkin. 

Norvegiyaning Equinor energetika kompaniyasi hisob-kitobiga ko‘ra, agarda ish tashlash boshqa konlarga ham yoyiladigan bo‘lsa, mamlakatda gaz qazib olish hajmi 25, neft qazib olish hajmi 15 foizga qisqarishi mumkin. 

Ishchilarning asosiy talabi – oylik maoshlarni inflatsiya darajasiga muvofiq ravishda oshirish. 

Norvegiya neft ishlab chiqarish bo‘yicha Yevropada Rossiyadan keyin ikkinchi o‘rinda turadi.