16:02 / 06.08.2022
5462
O‘zbekiston - Qozog‘iston chegarasi demarkatsiyasi to‘g‘risidagi shartnoma loyihasi bo‘yicha kelishuvga erishildi

O‘zbekiston - Qozog‘iston davlat chegarasini demarkatsiya qilish to‘g‘risidagi shartnoma loyihasi bo‘yicha kelishuvga erishildi.

Foto: KUN.UZ

25 iyul – 5 avgust kunlari Olmaota shahrida O‘zbekiston - Qozog‘iston qo‘shma demarkatsiya komissiyasidagi O‘zbekiston va Qozog‘iston hukumat delegatsiyalari navbatdagi majlisi bo‘lib o‘tdi, deb xabar bermoqda “Dunyo”.

Muzokaralarda O‘zbekiston - Qozog‘iston davlat chegarasini demarkatsiya qilish to‘g‘risidagi ikki tomonlama shartnoma loyihasi matni bo‘yicha kelishuvga erishildi.

Qayd etilishicha, chegarani demarkatsiya qilish bo‘yicha yakuniy hujjatlar loyihalari jamlanmasini shakllantirish yakunlandi.

Navbatdagi uchrashuv diplomatik kanallar orqali kelishilgan sanada O‘zbekistonda tashkil etiladi.

Top