51 yoshli Mask oxirgi 10 oy davomida Tesla kompaniyasining 32 mlrd dollarlik aksiyalarini sotgan.
Foto: Getty Images
Dunyoning eng badavlat odami Ilon Mask oxirgi bir necha kun davomida Tesla kompaniyasining 6,88 mlrd dollarlik aksiyalarini sotdi. Bu haqda The Wall Street Journal xabar berdi.
Xabarda aytilishicha, Tesla asoschisi 5 avgustdan 9 avgustgacha 7,9 mln donaga yaqin aksiyalarini sotgan. Milliarder bir necha oy avval kompaniyaning qo‘shimcha aksiyalarini sotmasligini aytgandi.
Mask aprel oxirida uch kun ichida 9,6 mln dona Tesla aksiyasini 8,5 mlrd dollarga sotgandi.
Bloomberg agentligining hisob-kitobiga ko‘ra, 51 yoshli Mask oxirgi 10 oy davomida Tesla kompaniyasining 32 mlrd dollarlik aksiyalarini sotgan. U aksiyalarini sotishni 2021 yil noyabrda, Twitter foydalanuvchilari orasida so‘rov o‘tkazganidan so‘ng boshlagandi.
