2022 yil 29 avgust kuni IIVga ayol ariza bilan murojaat qilib, öz arizasida yer oliş maqsadida e’lonlar sayti orqali notaniş makler bilan tanişib qolganini bildirgan.
IIV JQBB Korrupsiya va iqtisodiy jinoyatlarga qarşi kuraşiş boşqarmasi xabariga köra, ayol uşbu makler Sirdaryo viloyati, Sirdaryo tumanidagi MÇJ rahbari öğli bilan uni taniştirganini, hozirda MÇJ rahbari öğli jamiyatga ajratilgan 4,5 gektar böş yer maydonini 240 000 AQŞ dollariga sotişini va kadastrda işlovçi tanişi orqali yer maydoniga heç qanday qurilma qurmasdan kadastr hujjatlarini rasmiylaştirib berişini, buning uçun unga 1000 AQŞ dollari va yer maydoni uçun bönak sifatida 12 000 AQŞ dollarini berişi kerakligini aytganini bildirgan.
Şu kuni IIV JQBB va IJQKB Yer resurslari talon-toroj qilinişiga qarşi kuraşiş bölimi, Boş prokuratura hamda Boş prokuratura huzuridagi Iqtisodiy jinoyatlarga qarşi kuraşiş departamenti Zangiota tuman bölimi xodimlari bilan hamkorligida tezkor tadbir ötkazilgan.
Uning davomida, Toşkent viloyati Zangiota tumani MAN avtosaloni avtoturargohida gumonlanuvçi makler ariza muallifidan talab qilgan pullardan 13 000 AQŞ dollarini bönak (avans) sifatida olgan vaqtida aşyoviy dalillar bilan uşlandi.
Holat yuzasidan 2022 yil 30 avgust kuni IJQK departamenti Zangiota tumani bölimi tomonidan gumonlanuvçi va boşqalarga nisbatan JK tegişli moddalari bilan jinoyat işi qözğatilib, fuqarolar JPK 221-moddasi tartibida uşlangan.
Olib borilgan tergovoldi tekşiruv işlari davomida gumonlanuvçi kadastr hujjatlarini kim orqali rasmiylaştirib bermoqçi bölgani aniqlanib, hozirda uşbu şaxs jinoyatga aloqadorligi tekşirilmoqda.
