YuNeSKO vakili Buxorodagi madaniy meros obektlarini ta’mirlash-tiklash va restavratsiya ishlari bilan tanishdi.
YuNeSKOning O‘zbekistondagi vakolatxonasi rahbari Sara Noshadi O‘zbekiston bosh vaziri o‘rinbosari – turizm va madaniy meros vaziri Aziz Abduhakimov hamrohligida Buxorodagi madaniy meros obektlarini ko‘zdan kechirdi.
YuNeSKO vakili Buxoro tarixiy qismidagi «Ark» qal’asi, Masjidi Kalon, Abdulazizxon, Ulug‘bek, Nodir Devonbegi madrasalari, Xo‘ja Kalon masjidi va Xo‘ja Kalon hovuzi kabi madaniy meros obektlarida olib borilayotgan ta’mirlash-tiklash, restavratsiya ishlari bilan tanishdi.
Bosh vazir o‘rinbosari Aziz Abduhakimov Buxoro tarixiy qismida joylashgan madaniy meros obektlari, Kogon tumanida joylashgan Amir Olimxon saroyi restavratsiyasi, uning ta’mirlanishiga doir mutasaddilarga tegishli ko‘rsatmalar berdi.
Mas’ullarga Buxoroda tashkil qilinishi kutilayotgan «Turizm shaharchasi» bo‘yicha takliflar tayyorlanishi bo‘yicha topshiriqlar berildi.
YuNeSKO vakili tashrif davomida Kogon tumanidagi «Bahouddin Naqshband» majmuasi, Buxoro shahri tarixiy qismidagi Ismoil Somoniy va Chashmai Ayub maqbaralari hamda boshqa qadamjolarga borishi rejalashtirilgan.
