O‘tgan yilda ishlab chiqarish faoliyati bilan shug‘ullanuvchi 20ta korxona 2,6 trln so‘mlik soliq imtiyozlaridan foydalangan.
Foto: UzAuto Motors
2022 yilda ishlab chiqarish faoliyati bilan shug‘ullanuvchi 72 ming 348 nafar yuridik shaxs tomonidan 39 trln so‘m soliq to‘langan. Shundan 17,5 trln so‘mi, ya’ni 44,8 foizi 20 ta korxona (NKMK va OKMK AJdan tashqari) hisobiga to‘g‘ri keladi. Ular to‘lagan soliqlar tovar aylanmasining 1/6 qismini (101,3 trln so‘m) tashkil etgan. Qo‘llangan soliq imtiyozlari miqdori – 2,6 trln so‘m. Xususan:
- “Uz-Kor Gas Chemical” MChJ – 1 trln 103,7 mlrd so‘m;
- “UzAvto Motors” AJ – 702,9 mlrd so‘m;
- “Navoiyazot” AJ – 244,5 mlrd so‘m;
- “Uzbat” AJ – 138,8 mlrd so‘m;
- “Maxam-Chirchiq” AJ – 78,2 mlrd so‘m;
- “O‘zbekiston metallurgiya kombinati” AJ – 74,5 mlrd so‘m;
- “O‘zbekneftgaz” AJ – 68,5 mlrd so‘m;
- “Farg‘onaazot” AJ – 61,5 mlrd so‘m;
- “O‘zbekko‘mir” AJ – 33,9 mlrd so‘m;
- “O‘rta Chirchiq GESlar kaskadi” UK – 31,3 mlrd so‘m;
- “Toshkent vino kombinati” AJ – 27,5 mlrd so‘m;
- “Buxoro neftni qayta ishlash zavodi” MChJ – 24 mlrd so‘m;
- “Qizilqumsement” AJ – 19,2 mlrd so‘m;
- “Ammafos-maxam” AJ – 19,1 mlrd so‘m;
- “Sho‘rtan gaz kimyo majmuasi” MChJ – 3,8 mlrd so‘m;
- “Farg‘ona neftni qayta ishlash zavodi” MChJ - 3,5 mlrd so‘m;
- “Shohrud” AJ – 2,3 mlrd so‘m;
- “Tashkent Tobacco” MChJ – 1 mlrd so‘m;
- “Coca-Sola ichimligi Uzbekistan LTD” MChJ – 0,5 mlrd so‘m;
- “Talimarjon” IES AJ - 0,4 mlrd so‘m soliq imtiyozlari olgan.
Ushbu soliq to‘lovchilar tomonidan to‘langan tushumlar soliq turlari kesimida:
- QQS – 5,3 trln so‘m;
- Foyda solig‘i – 5,3 trln so‘m;
- Aksiz solig‘i – 3,4 trln so‘m;
- Yer qa’ridan foydalanganlik uchun soliq - 1,9 trln so‘m;
- JShODS - 834,9 mlrd so‘m;
- Mol-mulk solig‘i - 451,4 mlrd so‘m;
- Yer solig‘i - 315,5 mlrd so‘m;
- Suv resurslaridan foydalanganlik uchun soliq - 106,1 mlrd so‘m.
