Shoygu Rossiya Ukraina bo‘yicha muzokaralarga tayyorligini ma’lum qildi

Moskva Ukraina inqirozini mojarodan keyin hal qilish va G‘arb bilan bundan buyon birga yashash bo‘yicha siyosiy munozaralarga tayyor. 

Bu haqda Rossiya mudofaa vaziri Sergey Shoygu X Syanshan Pekin forumida so‘zlagan nutqida aytib o‘tdi. 

«Agar zarur shart-sharoitlar yaratilsa, biz Ukraina inqirozini mojarodan keyingi hal qilish bo‘yicha ham, umuman G‘arb bilan birgalikda yashash parametrlari bo‘yicha ham real asosda siyosiy munozaralarga tayyormiz», - deya iqtibos keltiradi Rossiya OAV vazirning so‘zlaridan. 

Shu bilan birga, mahkama boshlig‘i «tinchlik va global barqarorlikni saqlash uchun alohida mas’uliyat yuklaydigan» BMT Xavfsizlik kengashining barcha doimiy a’zolari o‘rtasida teng huquqli munosabatlarni ta’minlash muhimligini ta’kidladi. 

«Adolatli, ko‘p qutbli dunyo tartibini shakllantirish uchun xalqaro xavfsizlik arxitekturasini yangilash va unda yanada barqarorlikni ta’minlash zarur. Buning uchun barcha manfaatdor davlatlarning sa’y-harakatlarini birlashtirish zarur», — dedi Rossiya Mudofaa vazirligi rahbari.