Mirziyoyev Hindistonni dunyodagi eng katta demokratiya deb atadi

O‘zbekiston prezidenti Shavkat Mirziyoyev Hindistonni dunyodagi eng katta demokratiya deb atadi, u bilan o‘zbek xalqi tarixiy aloqalarga ega ekanligini ta'kidladi.

«Men mehmondo‘st Hindiston zaminida bo‘lib turganimdan juda xursandman. Har bir o‘zbekistonlikning qalbida Hindiston alohida o‘ringa ega. Bizning xalqlarni tarixiy aloqalar, o‘xshash urf-odatlar, ma'naviy va madaniy dunyoning yaqinligi bog‘lab turadi. Biz uchun Hindiston - ezgulik va bag‘rikenglik nurini taratib turuvchi buyuk sivilizatsiya. Bu dunyodagi eng katta demokratiya», - dedi Mirziyoyev.

«Kecha Agraga tashrif buyurib, men va bizning delegatsiya naqadar o‘zaro yaqin ekanimiz, Hindiston hamda O‘zbekiston o‘rtasida ko‘plab aloqalar va an'analar borligiga yana bir bor amin bo‘ldik», - deya qo‘shimcha qilib o‘tdi u.

Eslatib o‘tamiz, avvalroq Hindistonda Shavkat Mirziyoyevni tantanali kutib olish marosimi bo‘lib o‘tgandi.