Saratovdagi trassada o‘zbekistonliklar bo‘lgan avtomobil ag‘darilib ketdi
Rossiyaning Saratov viloyatida O‘zbekiston fuqarolari YTHga uchradi. Besh kishi jabrlangan, ulardan uch nafari kasalxonaga yotqizilgan.
![](https://storage.kun.uz/source/9/KY0DZQeKmjaf5eBhCm3hsfxrIClfFoxv.jpg)
Foto: Saratov viloyati YPX
Bu haqda o‘zining Telegram-kanalida viloyat sog‘liqni saqlash vaziri Oleg Kostin ma’lum qildi.
Hodisa 2 aprel kuni ertalab R-208 avtomobil yo‘lining 145-kilometrida sodir bo‘lgan. 23 yoshli yigit Toyota Vellfire rusumli avtomashina boshqaruvini yo‘qotgan va transport vositasi ag‘darilib ketgan.
Yo‘lovchilar shifoxonaga yetkazilgan. Ulardan ikki nafarining ahvoli og‘ir.
Jabrlanganlar orasida 40 yoshli ayol bor, unda bosh miya jarohati, ko‘krak qafasi va o‘ng tizza bo‘g‘imlarining yopiq jarohati qayd etilgan. Shuningdek, 26 yoshli erkak bosh miya jarohati, ko‘krak qafasining yopiq jarohati, umurtqa pog‘onasi sinishi, 38 yoshli erkak bosh miya jarohati, ko‘krak qafasining yopiq jarohati, bel umurtqasining sinishi tashxisi bilan olib kelingan.
Jabrlangan besh kishidan uch nafari Rtishchevskaya tuman kasalxonasida qolmoqda, ikki nafari – 20 va 39 yoshli erkak qoniqarli holatda ambulator davolanishga chiqarilgan.
Mavzuga oid
![](https://storage.kun.uz/source/thumbnails/_medium/10/-pliwjugArJ03G2rquRAmdALB0qZdjOR_medium.jpg)
14:03 / 05.09.2024
Samarqandda tez harakatlangan “Lasetti” tufayli ota va uning 13 yoshli o‘g‘li halok bo‘ldi
![](https://storage.kun.uz/source/thumbnails/_medium/10/WFPlnCcGu9zNgmrDeTjU6xUD5t_T_TVa_medium.jpg)
11:00 / 05.09.2024
Samarqandda Nexia-2 mashinasi yonib ketdi
![](https://storage.kun.uz/source/thumbnails/_medium/10/j-yvnGo1OXrnZfCNQIEfjdPLOHSb3aOt_medium.jpg)
09:25 / 05.09.2024
Jizzaxda 4 ta avtomashina ishtirokida YTH sodir bo‘ldi
![](https://storage.kun.uz/source/thumbnails/_medium/10/kZ7V4CwNTHGI9rXIdwTwJ6_gCrNMI7Im_medium.jpg)
18:25 / 04.09.2024