Tojikistonda yengil avtomobilning velosipedchilar guruhini urib ketishi oqibatida to‘rt nafar xorijlik sayyoh halok bo‘ldi. Bu haqda RIA Novosti mahalliy hukumatga asoslanib xabar bermoqda.
Agentlik ma'lumotlariga ko‘ra, halok bo‘lgan turistlarning ikki nafari AQSh fuqarosi bo‘lgan.
Qayd etilishicha, yo‘l-transport hodisasi oqibatida yana uch kishi jarohat oldi.
Velosipedchilarga kelib urilgan mashinaning haydovchisi voqea joyidan qochib ketgan. Haydovchini qidirish va qo‘lga olish uchun maxsus brigada tashkil etildi.
