![](https://storage.kun.uz/source/9/4_yFLq-C6Bp3IV6Hzm8dz36TJt1wnF8S.jpg)
Foto: KUN.UZ
Joriy yilning 5-8 iyun kunlari O‘zbekiston hududiga Eron hududlaridan issiq havo kirib keladi. Bu haqda Favqulodda vaziyatlar vazirligi “O‘zgidromet”ga tayanib xabar bermoqda.
Qayd etilishicha, buning hisobiga maksimal havo harorati, jumladan:
- 5-6 iyunda Qoraqalpog‘iston Respublikasi, Xorazm viloyatida +40...+41 darajagacha;
- 6-8 iyunda Buxoro, Navoiy, Qashqadaryo, Surxondaryo viloyatlarida +40...+42 darajagacha;
- 5-8 iyunda +38...+40 darajagacha;
- 7-8 iyunda Farg‘ona vodiysi viloyatlarida +36...+39 darajagacha ko‘tariladi.
7-8 iyun kunlari shimolda, janubda va cho‘l hududlarida ba’zi joylarda shamol tezligi 15-20 m/s gacha kuchayishi kutilmoqda, ayrim joylarda chang-to‘zonlar kuzatiladi.