Saratov yaqinidagi YTHda uch nafar O‘zbekiston fuqarosi halok bo‘ldi

Rossiyaning Saratov oblastidagi avtomobil yo‘lida «Volga» avtomobili va Hyundai Starex miniveni YTHga uchradi. Baxsiz hodisa oqibatida besh kishi halok bo‘ldi, deb xabar bermoqda RF IIV Bosh boshqarmasi matbuot xizmatining mintaqadagi rasmiy vakillari.

Ma'lumotlarga ko‘ra, miniven haydovchisi quvib o‘tish maqsadida qarama-qarshi yo‘lga chiqqan, lekin boshqaruvni yo‘qotgan va o‘z vaqtida yo‘liga qaytishga ulgurmagan, oqibatda ro‘paradan harakatlanib kelayotgan GAZ-3110 bilan to‘qnashgan. Avtohalokat natijasida har ikki haydovchi hamda minivenning uch nafar yo‘lovchisi halok bo‘ldi, Hyundai salonida bo‘lgan yana to‘rt kishi jiddiy jarohat oldi.

Jarohat olganlar yaqin orada joylashgan tez tibbiy yordam bo‘linmasiga olib ketilgan.

Rossiya OAV ma'lumotlariga ko‘ra, minivenda bo‘lganlarning barchasi O‘zbekiston fuqarolari edi. Halok bo‘lganlarning oilalari, shuningdek, jabrlangan O‘zbekiston fuqarolari o‘z mamlakatlari konsulligidan yordam oladilar, deya xabar tarqatgan OAV.