Foto: AP
Britano-irlandiyalik bokschi, professional ringda biron marotaba ham mag‘lubiyatga uchramagan Tayson Fyuri og‘ir vazn toifasidagi amaldagi chempionlar Deontey Uaylder va Entoni Joshuani tanqid qildi.
«Menga keyingi raqib kim bo‘lishi muhim emas - ularning hammasi bir xil. Hammasi daydi - Uaylder, Joshua, Parker. Ular xuddi Manuel Seferdek. Yoki uning ismi boshqacha edimi? (Sefer Seferi - tah.)», - deya aytib o‘tgan bokschi.
Fyurining ishonch bildirishicha, yil oxiriga borib jahon chempioniga aylanadi. Shuningdek, uning ma'lum qilishicha, kechaning asosiy jangida ringga qaytishda biroz hayajon bor.
Eslatib o‘tamiz, avvalroq Gennadiy Golovkin IBF yo‘nalishi bo‘yicha jahon chempioni unvonidan mahrum qilingandi.
