Davlat amaldorlari daromadlari va mulklari haqida deklaratsiya taqdim etadi

O‘zbekistonda davlat xizmatchilari va ularning oila a'zolari daromadlari hamda mulki haqidagi deklaratsiyani majburiy tartibda taqdim etadi. “Davlat xizmati to‘g‘risida”gi qonun loyihasida bu nazarda tutilgan.

Loyihaga ko‘ra, davlat xizmatida lavozimni egallagan (“kichik mutaxassis” toifasidan tashqari) davlat xizmatchilari har yili mulki, daromadlari va xarajatlari, shuningdek, o‘z oila a'zolarining mulki, daromad va xarajatlari haqidagi deklaratsiyani taqdim etishlari lozim. 

Daromadlar, xarajatlar va mulk haqida to‘la bo‘lmagan yoki yolg‘on ma'lumotlarni taqdim etish yoxud umuman taqdim etmaslik davlat xizmatini to‘xtatish uchun asos bo‘lishi mumkin.