Havo haroratining keskin sovishi sababli O‘zbekistondagi avtomobillarga gaz to‘ldirish shoxobchalari ishlash vaqtiga cheklovlar joriy etilmoqda. Cheklovlar vaqtlari hududlar kesimida sutkasiga 12 soatgacha bo‘ladi.
Foto: O‘ztransgaz
“O‘ztransgaz” AJ telagram kanalida hududlar kesimida avtomobillarga tabiiy gaz to‘ldirish shoxobchalariga kiritilgan cheklovlar vaqti e’lon qilindi. Cheklovlar asosan kechki paytga to‘g‘ri keladi.
Hududlar kesimida “metan-zapravkalar” ish vatiga kiritilgan cheklovlar:
- Qoraqalpog‘iston Respublikasi – soat 18:00dan 6:00gacha;
- Andijon viloyati – soat 17:00dan 5:00gacha;
- Buxoro viloyati – soat 19:00dan 6:00gacha;
- Jizzax viloyati – soat 17:00dan 23:00gacha;
- Qashqadaryo viloyati – soat 21:00dan 6:00gacha;
- Navoiy viloyati – soat 19:00dan 7:00gacha;
- Namangan viloyati – soat 18:00dan 6:00gacha;
- Samarqand viloyati – soat 15:00dan 23:00gacha;
- Sirdaryo viloyati – soat 17:00dan 23:00gacha;
- Surxondaryo viloyati – soat 19:00dan 6:00gacha;
- Toshkent viloyati – soat 20:00dan 8:00gacha;
- Farg‘ona viloyati – soat 18:00dan 6:00gacha;
- Xorazm viloyati – soat 18:00dan 6:00gacha.
Oldinroq “O‘ztransgaz” AJ kunning kechki va tungi vaqtlarida O‘zbekistondagi avtomobillarga tabiiy gaz to‘ldirish shoxobchalar faoliyati cheklanishi haqida bayonot bergandi.
