Ertaga, 9 apreldan boshlab, Toshkent viloyatining Olmaliq, Angren, Yangiyo‘l va Chirchiq shaharlarida karantin tartiblari yanada kuchaytiriladi. Bu haqda Toshkent viloyati hokimligi axborot xizmati xabar qilmoqda.
«Fuqarolarning ushbu shaharlarga kirishi va chiqishi cheklanadi. Favqulodda holatlar hamda yuk avtomobillari bundan mustasno.
Vaziyatdan kelib chiqib, ushbu hududlarga yondosh tumanlarda oziq-ovqat yarmarkalari tashkil etilmoqda», — deyiladi xabarnomada.
Eslatib o‘tamiz, bungacha Toshkent va Nukus shaharlari hamda 12 ta viloyatning ma'muriy markazi bo‘lgan shaharlarda karantin talablari kuchaytirilib, shaharlarga kirish va chiqish cheklangan edi.