50 foizlik ustama özbek tili öqituvçilariga berilmaydi – ustozlar buni “adolatsizlik” deb atayapti

“Oçiği, men buning sababini umuman tuşunmadim. Prezident qarorining maqsadi özbek tili obröyini oşiriş edi. Özbek tili fani boşqa tilli fuqarolar orasida özbek tilini yoyişning eng oson usuli hisoblanadi. Ularga ustama tölanmasligini tuşunişim qiyin keçmoqda. Tuşuna olmayapman. Adaşmasam, özbek tilidan dars beradiganlar ham ona tili va adabiyotdan dars beradigan öqituvçi topşiradigan imtihonni topşiradi”, – deb yozgan u.

Tilşunos Orif Tolib sertifikat özbek tili uçun ham qabul qilinişi yoki sohaviy farqlari köp deyilsa, özbek tili faniga mos milliy sertifikat imtihonlari ötkazilişi va u ustamaga asos bölişi kerakligini taklif qilgan.

“Biladiganlardan sörab-suriştirsam, ustama tölanmasligiga ikkisining alohida fan ekani sabab ekan. Xuddi fizika sertifikati bilan matematika uçun ustama olinmasligi kabi. Töğri, bu ikkisi – alohida fan. Lekin matematika va fizikaga soliştiriş juda örinli emas. Ona tili va özbek tili bir-biriga juda yaqin”, – degan tilşunos.

Kun.uz holat böyiça qöşimça izoh oliş uçun Maktabgaça va maktab ta’limi vazirligi bilan boğlandi. Vazirlik bu prezident farmonida belgilab qöyilgani, ta’lim rus va qardoş tillarda olib boriladigan maktablarda özbek tili (davlat tili) fanidan dars berayotgan va tegişli milliy sertifikatga ega pedagoglar 20 foizlik ustama olişda davom etişini ma’lum qiliş bilan çeklandi.

Ma’lumot uçun, vazirlikning rasmiy kanalida tartibga oid qöşimça tuşuntiriş berilgan. Unga köra, ona tili va adabiyoti fani uçun berilayotgan yangi ustama miqdori ta’lim ma’lum bir tilda olib borilayotgan va şu tilni ona tili va adabiyoti fani sifatida ötayotgan pedagoglarga nisbatan tatbiq etiladi. Ya’ni:

➖ta’lim özbek tilida olib borilayotgan maktablarda ona tili sifatida özbek tili va adabiyoti fanidan;

➖ta’lim rus tilida olib borilayotgan maktablarda ona tili sifatida rus tili va adabiyoti fanidan;

➖ta’lim qoraqalpoq tilida olib borilayotgan maktablarda ona tili sifatida qoraqalpoq tili va adabiyoti fanidan dars berayotgan öqituvçilarga amal qiladi.

Şu örinda yana bir muhim eslatma: 50 foizlik ustama milliy sertifikatga ega boşlanğiç sinf öqituvçilariga ham ona tili va adabiyotidan boşlanğiçlarda dars ötgani uçun ham tölanadi. Bunda:

– ta’lim tili özbek tili bölgan maktablarda dars beruvçi pedagoglarga özbek tili va adabiyoti sertifikati uçun ona tili va adabiyot faniga;

– ta’lim tili rus tili bölgan maktablarda dars beruvçi pedagoglarga rus tili va adabiyoti sertifikati uçun ona tili (rus tili) va adabiyoti faniga;

– ta’lim tili qoraqalpoq tili bölgan maktablarda dars beruvçi pedagoglarga qoraqalpoq tili va adabiyoti sertifikati uçun ona tili (qoraqalpoq tili) va adabiyoti faniga tegişli dars soatlari uçun ustama tölanadi.

Şuningdek, boşlanğiç ta’limda ona tili böyiça dars beruvçi ustozlarga sinflar kesimida quyidagi fan soatlari uçun 50 foiz miqdorida ustama tölanadi:

1-sinfda öquv yilining 1-2-çoraklarida 4 soat “Alifbe”, 4 soat “Yozuv”, 3-4-çoraklarida 4 soat “Ona tili”, 4 soat “Öqiş savodxonligi” fani;

2-4-sinflarda 4 soatdan “Ona tili”, 3 soatdan “Öqiş savodxonligi” fani.