Tibbiyot xodimlarining kasbiy faoliyati bosqichma-bosqich litsenziyalanadi

Zamonaviy va samarali boshqaruv usullarini joriy qilish va tibbiy xizmat sifatini oshirish mo‘ljallanmoqda.

Foto: Sog‘liqni saqlash vazirligi

O‘zbekistonda viloyat va respublika darajasidagi barcha ko‘ptarmoqli shifoxonalarda umumiy boshqaruvni tibbiyot menejyerlari tomonidan amalga oshirilishiga erishish rejalashtirilmoqda.

“Aholi salomatligi-2030” strategiyasi loyihasiga ko‘ra, birlamchi bo‘g‘in muassasalarining 30 foizi, viloyat muassasalarining 50 foizi, Respublika ixtisoslashtirilgan ilmiy-amaliy tibbiyot markazlari va respublika muassasalarining 70 foizi milliy akkreditatsiyadan o‘tkaziladi.

Har bir hududda kamida 1 ta viloyat/shahar muassasasi, 5 ta Respublika ixtisoslashtirilgan ilmiy-amaliy tibbiyot markazlari va respublika muassasalari xalqaro akkreditatsiyadan o‘tkaziladi.

Moliyalashtirish, dori-darmon, tibbiy buyum, jihoz va uskunalar ta’minoti, tibbiy xizmat ko‘rsatish hamda boshqaruvda mukammal bo‘lgan milliy tibbiy yordam tizimi shakllantiriladi.

Tibbiyot va farmatsevtika xodimlarining kasbiy faoliyatini bosqichma-bosqich litsenziyalash (davlat ro‘yxatidan o‘tkazish) nazarda tutilyapti.

Tayyorlagan: Отабек Матназаров

#litsenziya #tibbiyot