Turkiyada Islom Karimov haqida kitob nashr qilindi

Muallifga ko‘ra, tadqiqot Islom Karimovning davlat qurilishi jarayonida tutgan o‘rnini ochib beradi va milliy o‘zlikni “Tarixshunoslik”, “Til”, “Din” va “Ramzlar” kabi davlat qurish parametrlari orqali o‘rganadi.O‘ziga xosliklar o‘rtasida qanday bog‘liqlik mavjudligini tushuntiradi.

“Bu jarayonda Karimov etnik muammolarning nizolarga aylanib ketishi oldini olish, shuningdek, o‘z siyosiy hokimiyatini saqlab qolish maqsadida eski etnik madaniyatlar soyasida shakllangan o‘zbek millatining “Milliy mafkurasi”ni namoyon etdi. O‘zbekistonda “Milliy mafkura” millatchilik tarixshunosligi orqali taqdim etilib, til orqali targ‘ib qilinib, din orqali ulug‘lanib, timsol va afsonalar orqali muqaddaslashtirildi. Tadqiqotda mazmun va nutq tahlili kabi sifatli tadqiqot usullaridan foydalanilgan”, — deyiladi kitob haqida nashriyot tomonidan yozilgan ma’lumotda.

Joriy yil 1 avgust kuni “Ostona” nashriyot uyida chop etilgan kitob 324 sahifadan iborat, narxi 650 lira — 243 ming so‘m.