Yakkasaroy tumanida yangi hokim ish boshladi

Anvar Sayfutdinov Yakkasaroy tumani hokimi lavozimiga tayinlandi. Bu haqda Toshkent shahar hokimligi matbuot xizmati xabar tarqatdi.

Qayd etilishicha, Anvar Nazarovich Sayfutdinov Xalq deputatlari Yunusobod tuman Kengashi deputati hisoblanadi. U 2004 yildan hozirgi vaqtgacha “Navro’z-FT” MChJ, “Sanico Trading” xususiy korxonasi, “Shinkonrakttorg” sho‘'ba korxonasi va “Sanico Group” MChJda rahbarlik lavozimida ishlab kelgan. 

Eslatib o‘tamiz, Yakkasaroy tumani hokimi bo‘lib ishlab kelgan Baxtiyor Shomurodov Sergeli tumani hokimi etib tayinlandi. 

Undan avval deputatlar Sergeli tumani hokimi lavozimida ishlab kelgan Nozim Husanov nomzodini Bandlik va mehnat munosabatlari vaziri lavozimiga ma'qullashgandi.