Kimning yoşi neçada: Özbek amaldorlarining yoş böyiça tasnifi

Şuningdek, uzoq yillar davomida soliq idorasini boşqargan, 74 yoşli general-leytenant Botir Parpiyev Mahalla va oilani qöllab-quvvatlaş vaziri örinbosari, 70 yoşli Bahodir Umrzoqov Bandlik va mehnat munosabatlari vaziri örinbosari lavozimida, 63 yoşli Elmira Bositxonova Soğlikni saqlaş vaziri örinbosari lavozimida işlamoqda. Din işlari böyiça qömita raisi örinbosari Dilbar Ğulomova ham 70 yoşni qarşilagan.

Yuqorida qayd etganimizdek, hukumat a'zolari içida 40-60 yoş oraliğidagi rahbarlar soni ham ortib bormoqda. Ayni vaqtdagi hukumatning eng yoş a'zolari sifatida Davlat soliq qömitasi raisi Şerzod Qudbiyev (40 yoş), Adliya vaziri Ruslanbek Davletov (41 yoş), Uy-joy kommunal xizmat körsatiş vaziri Şerzod Hidoyatov (41 yoş)larni körsatiş mumkin. Şuningdek, Moliya vaziri Timur Işmetov, Qişloq xöjaligi vaziri Jamşid Xöjayev va Transport vaziri Ilhom Mahkamov 42 yoşda.

Ijro hokimiyati mahalliy böğinida asosiy rol öynovçi mansabdorlar – hokimlar hisoblanadi. Hududlar rivojlanişi köp jihatdan hokimlar bilimi va dunyoqaraşiga boğliq.

Vazirlar Mahkamasidan farqli ravişda, viloyat hokimlari orasida pensiya yoşidan oşganlar köp emas. Bor-yöği ikki nafar. Viloyat hokimlarining eng keksasi Jizzax viloyati hokimi Ergaş Soliyev hisoblanadi – u 65 yoşda. Xorazm viloyati hokimi Farhod Ermanov esa şu yil aprelida 63 yoşga tölgan.

Darvoqe, Qoraqalpoğiston Jökorgi Kengesi raisi Murat Kamalov barça viloyat hokimlaridan ham kattaroq – 66 yoş.

Qolgan barça viloyat hokimlari yoşi 45-60 yoş oraliğida. Hudud rahbarlari orasida eng yoşlari Toşkent viloyati hokimi Davron Hidoyatov, Farğona viloyati hokimi Xayrulla Bozorov va Namangan viloyati hokimi Şavkat Abdurazzoqovdir. Ularning yoşi teng – 45 yoş. Toşkent şahar hokimi Jahongir Ortiqxöjayev esa bu yil 46 yoşga töldi.

Boş vazir va örinbosarlari, vazirlar, qömita raislari va viloyat hokimlari kesimida olsak, 50 nafar yuqori lavozimli amaldorning 10 nafari pensiya yoşidan (60 yoşdan) ötgan. 40 nafari esa 40 va 60 yoş oraliğida.

Hukumat a'zolaridan taşqari prezident administratsiyasi vakillari orasida ham yoşi katta amaldorlarni uçratiş mumkin. Masalan, bugundan prezidentning huquqni muhofaza qiluvçi va nazorat organlari faoliyatini muvofiqlaştiriş masalalari böyiça sobiq maslahatçisiga aylangan Rustam Inoyatov 77 yoşga tölgan*. Prezidentning yoşlar, fan, ta'lim, soğliqni saqlaş, madaniyat va sport masalalari böyiça maslahatçisi Abdujabbor Abduvohidov esa 65 yoşda. Uzoq yillar prezident devonida mehnat qilgan, ayni vaqtda administratsiyaning Moliya-xöjalik departamenti rahbari hisoblangan Zelimxon Haydarov 76 yoşga çiqqan.

Şuningdek, Özbekiston prezidentining iqtisodiyot sohalarini rivojlantiriş, investitsiya va taşqi savdo siyosatini amalga oşiriş masalalari böyiça maslahatçisi Ravşan Ğulomov 53 yoşda bölsa, prezidentning maslahatçisi – spiçrayter Xayriddin Sultonov 65 yoşga tölgan.

Yaqinda Kun.uz bilan suhbatlaşgan Nagoya iqtisodiyot universiteti professori Alişer Umirdinov hukumatdagi yoşi uluğ insonlar almaşuv jarayonini silliq va barqaror ötkaziş kerakligi haqida gapirgan edi.

«Haqiqatan ham Özbekistonda köplab yoşi uluğ insonlarni hukumat mansablarida uçratiş mumkin. Yaponiya siyosatçilari orasida ham yoşi uluğlari köpçilikni taşkil qiladi va bu masala u yerda ham yoşlar uçun kattagina muammoga aylangan.

Lekin şu örinda aytib ötiş kerakki, avlodlar almaşinuvi jarayonini juda ham silliqlik bilan va barqaror tarzda yuritiş kerak. «Qari bilganni pari bilmas» degan otalar sözimiz bor, ya'ni oğir damlarni boşidan keçirgan yoşi uluğ insonlardan kerakli tajribalarni özlaştirgan holda örinbosarlarni tayyorlab boriş kerak. Bu nihoyatda muhim», degan edi u.

* Material tayyorlangan vaqtda Rustam Inoyatov hali lavozimda edi.