Учрашув ҳақида маълум қилган президент администрацияси раҳбари Саида Мирзиёева Ўзбекистоннинг ЖСТга қўшилиш йўлидаги саъй-ҳаракатларини доимий қўллаб-қувватлаб, экспертлик кўмагини кўрсатиб келаётгани учун ташкилот бош директорига миннатдорлик билдирди.
«Бизни доимий қўллаб-қувватлаб, экспертлик кўмагини бераётган қадрли Оконжо-Ивеала хонимга миннатдорлик билдираман», — деди у.
Саида Мирзиёеванинг таъкидлашича, Ўзбекистон ташкилотга аъзо бўлиш йўлининг катта қисмини босиб ўтган. Энди бошланган ишларни суръатни сусайтирмасдан давом эттириш ва якунига етказиш муҳим аҳамиятга эга.
«Бу йўлнинг катта қисмини босиб ўтдик, бундан кейин шаҳдимизни сусайтирмасдан, бошланган ишни ниҳоясига етказишимиз жуда муҳим», — дея қайд этди Саида Мирзиёева.
