Қўшработда икки қаватли уй портлади. Бир оиланинг 4 аъзоси ҳалок бўлган
Ҳодиса бугун эрта тонгда Қўшработ туманининг Мустақиллик маҳалласида жойлашган кўп қаватли уйларнинг хонадонларидан бирида содир бўлган. Оқибатда эр-хотин ва уларнинг ўғли ва қизи вафот этган. Портлашга газ сабаб бўлгани айтилмоқда. Қўшниларга кўра, портлашдан сўнг хонадонда ёнғин ҳам келиб чиққан.
Самарқанд вилоятининг Қўшработ туманида кўнгилсиз ҳодиса юз берди: газ портлаши оқибатида бир оиланинг 4 аъзоси вафот этди. Kun.uz мухбири воқеа жойида бўлиб, қўшнилар билан суҳбатлашди.
Ҳодиса бугун соат 6:30лар атрофида туман марказидаги Мустақиллик маҳалласида, икки қаватли уйнинг 2-қаватидаги хонадонлардан бирида содир бўлган. Дастлабки тахминларга кўра, портлашга хонадонда газ тўпланиб қолиши ва хонадон эгаси буни билмаган ҳолда чироқни ёқиши сабаб бўлган.
Портлаш оқибатида Р.С., М.С. ҳамда уларнинг фарзандлари Ф.Х. ва Д.Х. воқеа жойида вафот этган.
“Соат 6:15ларда ўғлимни уйғотдим, мактабга кетиши керак эди. Соат 6:20ларда ўғлим портлаш овозини эшитган. Югуриб ташқарига чиқдик. Қарасак, уй ёнаётган экан. Портлаш зилзиладай бўлган, ўғлим қўрқиб қолган.
Ҳали тонг отмаганди, ғира-шира қоронғу эди. Ҳеч ким ёрдам беролмади. Қўшнимнинг турмуш ўртоғи Рустам ака кеча газ келдими, келин, деб сўраганди. Йўқ дегандим. Бугун эрталаб энди у кишининг ўзи йўқ. Битта оила йўқ бўлиб кетяпти, унақа ўлимга лойиқ эмасди булар”, дейди ҳалок бўлган оила қўшниси.
Яна бир қўшни эса тонгда кучли портлашни эшитганини, ташқарига чиқиб, кучли ёнғин бўлаётганини кўрганини маълум қилди. Унга кўра, ҳеч қандай ёрдам беришнинг имкони бўлмаган.
“Фарзандлари катта эди. Ўғли шу йил талаба бўлганди, контракт асосида ўқишга кирганди. Дўстининг тўйи сабаб у ҳам уйига келган экан кеча”, дейди у.
Фавқулодда вазиятлар вазирлиги ҳозирча ҳолат юзасидан муносабат билдирмади. Самарқанд вилояти Фавқулодда вазиятлар бошқармаси матбуот хизмати билан эса боғланишнинг имкони бўлмади.
Бош прокуратура матбот котиби Ҳаёт Шамсутдинов ҳолат юзасидан прокуратура томонидан терговга қадар текширув ҳаракатлари олиб борилаётганлигини билдирди.
Тавсия этамиз
Пенсияни автоматик тайинлашга ўтилмоқда. Асосий саволларга жавоблар
Иқтисодиёт | 16:58 / 19.02.2025
Илон Маск «Ер юзидаги энг ақлли сунъий интеллект» — Grok 3ʼни тақдим этди
Фан-техника | 17:29 / 18.02.2025
Тошкент йўлларида қайрилиб олиш жойидан олдин чизилган янги йўл чизиқлари ўчириб ташланмоқда
Ўзбекистон | 17:25 / 18.02.2025
“Озодликнинг қадрини ҳеч нарса билан ўлчаб бўлмайди” — афв этилганлар ҳикояси
Жамият | 11:34 / 09.12.2024
Сўнгги янгиликлар
-
Жиззахда қалбаки 51 минг долларни ўтказмоқчи бўлган шахслар ушланди
Жамият | 00:21
-
Google Италияга солиқ терговини ҳал этиш учун 340 млн доллар тўлайди
Жаҳон | 00:09
-
АҚШ вице-президенти Зеленскийга Трампни танқид қилмасликни маслаҳат берди
Жаҳон | 23:49 / 19.02.2025
-
Иммиграцияни тақиқлаш Европа аҳолисининг 30 фоиздан ортиққа қисқаришига олиб келади
Жаҳон | 23:11 / 19.02.2025
Мавзуга оид

13:02 / 05.12.2024
Ўрта Чирчиқ туманидаги корхонада портлаш: 1 киши вафот этди, 6 киши шифохонага ётқизилди

08:10 / 04.12.2024
Новороссийскда портлашлар юз берди, ҲҲМ ишламоқда

10:17 / 03.12.2024
Қўшработдаги боғча ва мактабларда тегишли ҳужжатларсиз илон томошалари ўтказилди. ИИВ ҳолатни ўрганди

22:39 / 13.11.2024