Россияда қаровсиз қолган 17 нафар вояга етмаган бола Ўзбекистонга қайтарилди

Ўзбекистонга қайтарилган барча вояга етмаган болалар яқин қариндошларига ёки мамлакатдаги махсус болалар муассасаларига васийлик қилиш учун топширилади.

Фото: Ижтимоий ҳимоя миллий агентлиги

Мамлакат элчихонаси Ўзбекистон президенти ҳузуридаги Ижтимоий ҳимоя миллий агентлиги ҳамда Ички ишлар ва Соғлиқни сақлаш вазирликлари вакиллари билан биргаликда Россия ҳудудида қонуний вакиллари (ота-оналари) бўлмаган 17 нафар вояга етмаган болаларни ватанга қайтарди.

"Дунё" хабарига кўра, элчихона томонидан болаларга ватанга қайтиш учун бепул сертификатлар берилди.