Ўзбекистонда доллар курси 12 700 сўмдан ошди

Расмий курс сўнгги ойларда ҳар ойда ўртача 100 сўмга қимматламоқда.

Фото: Kun.uz

Ўзбекистон Марказий банки 23 апрелдан бошлаб хорижий валюталарнинг ўзбек сўмига нисбатан янги қийматини белгилади.

Савдо якунларига кўра, АҚШ доллари курси 21 сўмга ошиб, тарихий максимал — 12 711 сўмга етди.

Тижорат банкларида душанба куни доллар 12 640−12 680 сўм курсида сотиб олинди. Сотиш курси 12 730 сўмдан 12 750 сўмгача ўзгарди.

Шунингдек, евро 21,22 сўмга ошиб, 13 526,27 сўм бўлди. Рубл 0,36 сўмга ошиб, 136,31 сўмни ташкил этди

2024 йилнинг биринчи иш кунида, 3 январ куни курс 12 352,86 сўм эди, 11 январда курс илк бор 12 400 сўмлик нуқтадан ўтди, 23 февралда 12 500 сўмлик довонни, 28 мартда 12 600 сўмлик довонни забт этганди.

Шу тариқа, йил бошидан бери курс қарийб 360 сўмга кўтарилди.

2022 йил охирида миллий валюта 3,94 фоизга, 2023 йилда эса 9,7 фоизга қадрсизланганди.

#доллар курси