Халқаро Вестминстер университети талабалари 9 май куни муносабати билан уруш фахрийларини зиёрат қилишди

9 май - Хотира ва қадрлаш куни муносабати билан ташаббускор талаба ёшлар махсус акциялар ўтказишмоқда. Акция доирасида Иккинчи жаҳон уруши қатнашчилари, меҳнат фахрийлари ва аҳолининг кекса вакиллари ҳолидан хабар олинмоқда.

Тошкентдаги Халқаро Вестминстер университети талабалари ҳамда Salom Media ижодкорлари Хотира ва қадрлаш куни муносабати билан Иккинчи жаҳон уруши иштирокчилари бўлган фахрийларни зиёрат қилишиб, улар билан учрашувлардан видео-саҳифа тайёрлашди.

Давомийлиги 4 дақиқага яқин бўлган видеолавҳада фахрийларнинг хотиралари тингланади, фахрийлар урушни қоралаб, юртга тинчлик ва осмон мусаффо бўлишини тилашган.