Бразилиянинг Рио-де-Жанейро шаҳрида бўлиб ўтаётган Олимпиада ўйинлари ҳам поёнига етай деб қолди. Тўрт йилликнинг йирик спорт мусобақасининг 13-кунида спортчилар 22 тўплам медаллар шодаси учун кураш олиб боришди. 

Жамоаларнинг норасмий рейтингида АҚШ (38/35/32) жами 105та медаль билан биринчи ўринда мустаҳкам ўрнашиб олган. Иккинчи ўринда Буюк Британия (24/22/14) бораяпти. Етакчи учликни Хитой (22/18/25) якунламоқда. Тўртинчи ўринда бораётган Россия (13/16/19) ўз ўрнини Германия термасига (14/8/13) бўшатиб берди. 
Ўзбекистонлик спортчилар ҳам шу куни ўз йўналишлари бўйича иштирокини давом эттиришди. Хусусан, ярим финалда иштирок этган икки нафар ўзбек боксчиси ҳам финал йўлланмасини қўлга киритиб, камида кумуш медални нақд қилди. 

Ўзбекистон Олимпия терма жамоаси 2та олтин битта кумуш ва 5та бронза медали билан умумжамоа рейтингида 31-ўринда бормоқда. 

Рио-де-Жанейро, Бразилия, 19-август, 2016-йил

Спортча юриш, 50 км, эркаклар

1. Мачей Тот (Словакия)
2. Жаред Тэллент (Австралия)
3. Эван Данфи (Канада)

Бадминтон, аёллар, яккалик баҳслар

1. Каролин Марин (Испания)
2. Синдху Пусарла (Ҳиндистон)
3. Нозоми Окухара (Япония)

Сув полоси, аёллар

1.АҚШ
2. Италия
3. Россия

Синхрон сузиш, жамоавий баҳс

1. Россия
2. Хитой
3. Япония

Чим устида хоккей, аёллар

1. Буюк Британия
2. Нидерландия
3. Германия

Футбол, аёллар

1. Германия
2. Швеция
3. Канада