Amazon раҳбари SpaceX ракеталарининг рақобатчисини тақдим қилди

Amazon компанияси асосчиси ва раҳбари ҳамда Blue Origin раҳбари Жефф Безос янги оғир турдаги, ортга қайтарилувчи, кўп маротаба фойдаланиш мумкин бўлган ракета лойиҳасини тақдим қилди. New Glenn деб номланган ракета SpaceX компаниясининг Falcon сериясидаги ракеталари ва бошқа муқобил ракеталарга рақобат ташкил қилиши керак, деб хабар бермоқда Reuters ахборот агентлиги. 

"New Glenn тижорий сунъий йўлдошларни учириш ва экипажни фазога юбориш учун ишлаб чиқилган", деб айтди Безос.

Маълум қилинишича, Blue Origin ракетанинг иккита версиясини яратмоқда. Компания шунингдек Канаверал бурнида ракетани учириш майдончаси ва синов полигони қурилишини олиб бормоқда. Жон Кеннеди номидаги коинот марказида ракета ташувчиларни ишлаб чиқариш бўйича завод қурилади.