Украина МДҲ таркибидан чиқиши мумкин

Фото: rg.ru

Расмий Киев МДҲ таркибидан чиқиш масаласини муҳокама этмоқда. Бу ҳақда, Украина ТИВ раҳбари Павел Климкин баёнот берди, дея хабар қилмоқда РИА «Новости» агентлиги.

«Биз бу масалани ўрганаяпмиз. Бизларда бир неча ўнлаб келишувлар бор, жумладан дипломларни ўзаро тан олиш, нафақалар тўлаш бўйича. Ва ҳозирда, ушбу келишувларга оид ишларни якунлаяпмиз», — дер экан, Климкин ўзининг МДҲдан чиқиш тарафдори эканини таъкидлаган.

Айтиш жоизки, Украина ТИВ раҳбари ўтган йили МДҲ сафини тарк этмасликни маъқул кўришини билдирган эди.