Сингапур Швейцария банкининг шўъбасини ёпди
Сингапур Марказий банки Швейцариянинг мамлакатда фаолият юритувчи банки бўлимига берилган лицензияни қайтариб олди. Банк Малайзияга тегишли 1MDB давлат фондининг фирибгарлик амалиётларига алоқадорликда гумон қилинмоқда.
Аввалроқ, Сингапур молиявий бошқаруви Малайзиянинг 1MDB давлат жамғармаси билан боғлиқ фирибгарликларга алоқаси бўлгани учун Швейцариянинг яна бир молиявий муассасаси BSI фаолиятини тўхтатган эди. Кейинчалик, BSI банкининг икки нафар собиқ ходимига ҳужжатларни сохталаштириш ва шубҳали битимларни тузиш айби илгари сурилганди.
Сингапур пул-кредит бошқармаси баёнотига кўра, Швейцариянинг Falcon банки бўлимига берилган лицензиянинг қайтарилишига, ноқонуний пул ўтказмаларига қарши кураш чораларининг қўпол равишда бузилиши ҳамда банкнинг Швейцариядаги бош идораси ва Сингапурдаги раҳбарлари ахлоқий меъёрларга риоя қилмагани сабаб бўлган.
Бундан ташқари, 1MDB билан боғлиқ фирибгарликларга алоқадор бўлган маҳаллий DBS ва UBS банкларига ҳам жарималар тайинланган.
Мавзуга оид
07:50 / 23.09.2024
Банк сири соҳасидаги ҳужжатларга ўзгартириш ва қўшимчалар киритилмоқда
23:10 / 22.09.2024
Швейцария аҳолиси бир йил ичида иккинчи марта пенсия ислоҳотига қарши чиқди
08:50 / 20.09.2024
Солиқ қўмитаси икки банкни жавобгарлик чоралари тўғрисида огоҳлантирди
07:50 / 20.09.2024