Испаниянинг ташқи сиёсатдаги устувор йўналишлари маълум қилинди

Фото: Getty Images

Испаниянинг ташқи сиёсатдаги устувор йўналиш Европа йўналиши бўлиб қолмоқда, деб айтди Испаниянинг янги ташқи ишлар вазири Альфонсо Дастис Европа Иттифоқининг хорижий ишлар ва хавфсизлик сиёсати бўйича олий вакили Федерика Могерини билан учрашувда.

Испания ташқи ишлар вазирлигида маълум қилинишича, Дастис 7 ноябрда Брюсселда Могерини ҳамда халқаро ҳамкорлик ва тараққиёт бўйича еврокомиссар Невен Мимица билан учрашди.

Учрашувда Дастис Европа билан ҳамкорлик Испания янги ҳукуматининг асосий устувор йўналишларидан бири бўлишини айтди. У шунингдек "доимий алоқалар, ҳамфикрлик ва ҳамкорлик қўллаб-қувватланишини" айтди. Учрашувда томонлар Сурия, Ливия ва Сахел (Африканинг тропик саваннаси) мамлакатларидаги вазиятни ҳамда Лотин Америкаси билан муносабатларни муҳокама қилишди.

3 ноябрда Испаниянинг янги бош вазири Мариано Рахой мамлакатнинг янги ҳукумати таркибини маълум қилди. Унга кўра, Испания ташқи ишлар вазири 2011 йилдан Европа Иттифоқида Испания вакили лавозимини эгаллаб келган Альфонсо Дастис Кеседо бўлди.