Маррей икки сетда рақибини 6:3, 6:4 ҳисобида доғда қолдирган. Беллашув 1 соат 43 дақиқа давом этган.
Шу билан британиялик теннисчи ATP якуний чемпионатларидаги илк совринини қўлга киритган. Таъкидланишича, мазкур ютуқ Маррейнинг жорий йилдаги 9-чи, фаолиятидаги 44-совринидир. Сербиялик Жокович эса, йилнинг якуний баҳсларида беш маротаба рақибларидан устун келган.
Маррей 6 ноябрда жаҳоннинг биринчи ракеткасига айланган эди. Сўнгги ғалаба туфайли у янги йилни рейтингнинг биринчи ўрнида кутиб олади.
