Россиянинг «ВКонтакте» ижтимоий тармоғи ўз мессенжерини ишга туширди. Бу ҳақида тармоқ блогида маълум қилинди.
«ВКонтакте» мессенжерини синаб кўришни таклиф қиламиз», - дейилади хабарда. Ижтимоий тармоқда таъкидланганидек, бу лентадаги янгиликларга чалғимай, мулоқот қилишни истовчилар учун айни муддаодир.
Мессенжер дўстларингиз ва ҳамкасбларингиз билан чатлар ташкил қилиш, сурат ва видеолар алмашиш, ҳужжатларни йўллаш ва аудио ёзишга имкон беради.
«ВКонтакте» мессенжерининг бета-версиясини macOS ва Windows платформаларида қўллаш мумкин.
