Анқара турк ҳарбийларининг қатл этилиши видеоси ҳақиқийлигига гумон билдирди

Туркия бош вазири ўринбосари Нўъмон Куртулмуш ОАВни ИШИД жангарилари томонидан турк аскарларининг ёқиб юборилиши видеокадрларини тарқатишда эътиборлироқ бўлишга чақирди, чунки ҳукуматда бу видеонинг ҳақиқийлигини тасдиқловчи исбот йўқ, деб хабар бермоқда Anadolu ахборот агентлиги. 

"Қуролли кучларимиз ва мудофаа вазирлигимиздан бу видеоёзув ҳақиқийлигини тасдиқловчи бирорта аниқ маълумот йўқ", деб айтди Куртулмуш.

Унинг таъкидлашича, агар турк ҳарбийларининг қатл этилиши тасдиқланса, у давлат ташкилотлари томонидан чоп этилади.

Куртулмушнинг фикрича, террорчилар Туркия фуқароларига сохта видеоларни тарқатиш йўли билан таъсир қилмоқчи.

"Ижтимоий ОАВ бу масъулиятсиз мақолалар учун майдонмас. Туркия де-факто ИШИД билан уруш ҳолатида турибди, Туркия фуқароларига сохта видеолар билан таъсир қилишга уринишлар ватанпарварлик тушунчаси билан бирорта умумий жиҳатга эга эмас", деб таъкидлаб ўтди Куртулмуш.