Хитойнинг ташқи қарзи ҳажми 1,43 триллион долларга етди

Фото: © Fotolia

Хитойнинг ташқи қарзи ҳажми жорий йилнинг учинчи чораги охирига бориб, иккинчи чоракка нисбатан 3 фоизга кўпайди ва 1,432 триллионни ташкил қилди. Бу ҳақида Синьхуа агентлиги хабар берди.

"Кўрсаткичнинг ошишига Хитой Халқ банки ва ХХР давлат валюта назорати бошқармасининг хитой компанияларининг капитални жалб қилиш харажатларини камайтириш мақсадида молиялаштириш каналларини кенгайтириш бўйича кўрган чоралари асосий сабаб бўлди", - дейилади ХХР давлат валюта назорати бошқармасининг ҳисоботида.

Ҳисоботда таъкидланишича, келгусида ташқи қарзлар кўрсаткичлари "барқарорликни сақлаб қолади".