Нурсултон Назарбоев қисқа муддатли таътилда экани маълум бўлди
Қозоғистон президенти Нурсултон Назарбоев қисқа муддатли таътилда, деб хабар беради Tengrinews.kz мамлакат президенти матбуот хизматига асосан.
Давлат раҳбарининг расмий сайтида президент қисқа муддатли таътилга чиққани ҳақида маълумот берилган.
Аввалроқ, Нурсултон Назарбоев барча қозоғистонликларни кириб келган янги 2017 йил билан табриклаб, бу йил "бутун Қозоғистон ва ҳар бир қозоғистонлик учун ўзгача бўлиши"ни таъкидлаб ўтганди.
"Мамлакатимиз йирик халқаро тадбирларни қабул қилиб олади. Олма-отада бутунжаҳон қишки Универсиада баҳслари ўтказилади ҳамда унда қатнашиш учун рекорд миқдордаги давлатлардан энг яхши спортчилар келади. Остона эса бутун дунёдан ташриф буюрадиган меҳмонларни EXPO "Келажак қуввати" кўргазмасида кутиб олади. Қозоғистон БМТ Хавфсизлик кенгашининг доимий бўлмаган аъзоси сифатидаги ўз мажбуриятларини бажаришга киришади. Буларнинг барчаси давлатимизга бўлган жиддий ишончдан дарак бериб, унинг ривожланиши учун янги рағбатдир", - деди Қозоғистон раҳбари.
Шуни таъкидлаб ўтиш лозимки, Остонада 23 январь куни Сурия бўйича музокаралар ўтказилиши кутилмоқда. Аввалроқ Нурсултон Назарбоев Путин ва Эрдўған билан телефон орқали мулоқотда ушбу ташаббусни қўллаб-қувватлаб, Қозоғистон пойтахтида бундай музокараларни ўтказиш учун барча шароитни яратишга тайёрлигини билдирди.
Мавзуга оид
18:31 / 23.09.2024
Қозоғистон ва Ўзбекистон Сирдарёда 10 та гидропост ташкил қилади
20:09 / 20.09.2024
Қозоғистонда хорижликларни депортация қилиш қоидалари кучайтирилиши мумкин
08:30 / 20.09.2024
Қозоғистоннинг Ўзбекистондаги элчиси “Дўстлик” ордени билан мукофотланди
16:07 / 19.09.2024