Қўшимча функционаллар
-
Тунги кўриниш
Барак Обама WikiLeaks ахборотчисига тайинланган жазони юмшатди
Фото: Reuters
АҚШ президенти Барак Обама WikiLeaks ташкилотига махфий маълумотларини берган Челси Мэннинг (аввал Брэдли Мэннинг)га тайинланган қамоқ жазоси муддатини енгиллаштирди. Пентагон ҳужжатларини ташкилотга топширгани учун Мэннинг 35 йиллик жазони ўтаётган эди, деб ёзган ABC News Twitter саҳифасида.
«Челси Элизабет Мэннинг <...> Жазони енгиллаштириш: қамоқ жазоси 2017 йил 17 майда якунланади», — дейилади Оқ уй қарорида.
11 январь куни Барак Обама Челси Мэннингни жазоси енгиллаштирилиши мумкин бўлганлар рўйхатига киритган эди.
АҚШ миллий хавфсизлик агентлигининг собиқ ходими Эдвард Сноуден, ўз навбатида, президент Барак Обамага Челси Мэннинг жазо муддатини қисқартиргани учун миннатдорлик билдирган.
«Бу ерда биз ўта жиддийлик билан гапиришимиз лозим: Раҳмат, Обама», — деб ёзган Сноуден Twitter микроблогида.
Бундан ташқари, Сноуден Мэннинг жазоси енгиллатилиши учун ташаккур билдирган барчага ташаккур билдирган.
Мавзуга оид
09:59 / 07.11.2024
Собиқ президент Обама Трампни сайловдаги ғалабаси билан табриклади
15:50 / 21.08.2024
«Бу кинони олдин ҳам кўрганмиз». Обама Трампнинг иккинчи муддати хавфидан огоҳлантирди
14:59 / 26.07.2024
Барак Обама сайловда Камала Ҳаррисни қўллашини маълум қилди
09:34 / 19.07.2024