«Реал» бош мураббийи Зинедин Зидан ЕЧЛ доирасида «Наполи»га қарши кечадиган учрашувдан олдинги фикрларини билдириб ўтди.
«Бу икки ўйиндан иборат қарама-қаршиликдир. Қачонки, уйингда ўйнар экансан, муҳими – гол ўтказиб юбормасликдир. Мен футболчиларим ўйинга жиддий ёндашишини истардим. Биз жамоаларнинг имконияти 50га 50 эканини биламиз. Биринчи ўйинда рақибга муаммолар туғдиришга ҳаракат қиламиз, шу билан бирга рақиб ҳам жим турмаслигини биламиз. Биз тайёрмиз – энг муҳими шу.
Сарри – жуда яхши мураббий. Унинг жамоаси яхши футбол намойиш этади, улар зўр натижаларга эришиб келишмоқда, бу эса мураббий ўз ишини яхши олиб бораётганидан даракдир. «Наполи»да яхши футболчилар таркиб ҳосил қилишган, улар майдон бўйлаб яхши ҳаракатланишади, жамоа интенсив ишлайди. Рақиб футболчилари техник жиҳатдан яхши тайёрланишган, улар рақиб ҳимоясига тезлик билан зарба бера олишади. Биз бунга йўл қўймаслигимиз керак. Баъзида ҳимояда кўпроқ ўйнашимизга тўғри келиши мумкин. Лекин мен ҳужумда кўпроқ вақт ўтказишимизни истайман.
Олдинда муҳим ўйин, лекин буни финал ўйинидек қабул қилмаслик керак, финал Кардиффда бўлади. «Реал» ҳамиша турнир фаворитлари қаторида бўлишга интилади, аммо либосимиздаги эмблема ҳаммасини кафолатлаб қўя олмайди. Биз бу узоқ ва оғир кечадиган бу турнирда ўзимиз курашишимиз керак. Биз ҳар бир ўйиннинг биринчи дақиқасидан охирги дақиқасигача кураш олиб борсаккина, ғалабага эришишимиз мумкин – бу шундай клуб», – дея Зиданнинг сўзларини келтирган As.
