Бугун, 17 март Тошкент вақти билан соат 17:00да УЕФАнинг Ньондаги штаб-квартирасида Европа Лигаси чорак финали қуръа ташлаш маросими ўтказилди.
Чорак финал жуфтликлари кўр-кўрона асосда аниқланди. Жамоалар олдиндан саватчаларга ажратилмади. Бир мамлакат вакиллари ўзаро тўқнаш келиши мумкин эди.
Қуръага кўра, турнир фаворити «Манчестер Юнайтед» бу босқичда Бельгиянинг «Андерлехт» жамоасига қарши ўйнайдиган бўлди.
«Андерлехт» — «МЮ»
«Аякс» — «Шальке»
«Бешиктош» — «Лион»
«Генк» — «Сельта»
Қуръада биринчи бўлиб тортилган жамоа дастлабки ўйинни ўз уйида ўтказади.
Чорак финал босқичининг дастлабки ўйинлари 13 апрель, жавоб баҳслари 20 апрель кунларига белгиланган.
Ярим финал босқичи учун алоҳида қуръа ташлаш маросими ўтказилади.
