Шавкат Мирзиёевнинг кейинги ташрифи Хитойга бўлади

Ўзбекистон президенти Шавкат Мирзиёев май ойида Хитойга ишчи ташрифини амалга оширади. Бу ҳақда Ташқи ишлар вазири Абдулазиз Комилов ва Сенат раисининг биринчи ўринбосари Содиқ Сафоев иштирокидаги анжуманда маълум қилинди.

Анжуманда иштирок этаётган «Кун.uz» мухбири хабар беришича, Абдулазиз Комилов айни вақтда Хитой сафарига тайёргарлик кўрилаётгани ҳақида маълумот берган.

Президент Хитой пойтахти Пекинда май ойида ўтказиладиган «Буюк Ипак йўли» саммитида иштирок этади. Саммит доирасида, 14-15 май кунларида «Бир минтақа, бир йўл» шиори остидаги олий даражадаги халқаро форум бўлиб ўтади.