«МЮ»ни «Олд Траффорд»да ким мағлуб эта олади?

«Манчестер Юнайтед» футбол клуби Европа лигасининг ¼ финали жавоб учрашувида «Андерлехт» устидан ғалаба қозониб (2:1 қўш. вақтда), ўз уйида барча мусобақалардаги мағлубиятсиз сериясини 26 ўйинга қадар етказиб олди (17 ғалаба, 9 дуранг).

Бу «МЮ»нинг 2011 йилдан бери энг юқори кўрсаткичи ҳисобланади. Ўшанда сэр Алекс Фергюсон бошчилигидаги «қизил иблислар» «Олд Траффорд»да 37 беллашувда мағлубиятга учрашмаган.

«Манчестер Юнайтед» ўз тарихидаги бундай кўрсаткич бўйича рекордни 1998/99 йилги мавсумда ўрнатган – 45 баҳс.